Во ново насилство во Охрид 37-годишник заработи кривична полиција, поради нанесување повреди во пресметка со свој сограѓанин кој, исто така, е со подебело полициско досие.

Според охридската полиција, инцидентот во кој е инволвиран 37-годишниот сега осомничен за кривично дело „загрозување со опасно орудие при тепачка или караница” и 25-годипен жител на охридското село Лешани се случила во ноќта на 2-ри мај, околу 01, 30 часот.

Двајцата случајно се сретнале на паркингот во близина на ноќниот клуб „Хавана” при меѓу нив што настанала вербална расправија којашто прераснала во меѓусебно кошкање при што двајцата си размениле повеќе удари со раце и нозе здобивајќи се на тој начин со телесни повреди. Но, притоа пријавениот успеал на соперникот да му нанесе неколку удари со тврд метален предмет во главата по што со автомобилот „ауди” избегал од местото на настанот.

Од СВР Охрид информираат дека и пријавениот и нападнатиот Д.Ј., се познати како сторители на повеќе казнени дела против кои и досега биле поднесени кривични и прекршочни пријави./крај/мф/сн