Црна хроника
Се апсат членови на „Франкфурт мафија“
Во полициска акција којашто се спроведува во Велес, Скопје и Штип се апсат членови на нарко мафијата позната како Франкфурт мафија осомничени за перење пари.
Министерството за внатрешни работи подолго време ги следела приведените, како членови на Франкфурт мафијата.
Акцијата била водена од Одделението за сузбивање на организираниот криминал. Велешкиот портал Лисица јавува дека уапсени се четворица велешани.
Информацијата за акцијата и апсењето ја потврди и МВР, но од таму велат дека истата е сеуште во тек, повеќе детали најави за утрешниот ден.
Инаку оваа акција била дел од вториот дел на акција Диригент која полицијата ја започна пред три години со цел разбивање на нарко мафија и сузбивање на организираниот криминал./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.