Врз основа на судска наредба, полициски службеници од СВР Струмица денеска извршиле претрес во домот на лицето О. И. (20) од струмичкото село Свидовица, при што пронашле марихуана и гранки од растението канабис.

Од МВР информираат дека по целосно документирање на случајот, СВР Струмица до надлежното Јавно обвинителство ќe поднесе соодветна кривична пријава.

Денеска во 13:45 часот во насeлба Ќерамидница од слобода била лишена В.А.(55) од Скопје, врз основа на централна потерница и наредба од Основно јавно обвинителство за спроведување истражна постапка за измама, казниво по Кривичниот законик.

Во 12:40 часот полициски службеници од Оперативен тим Потраги, на ул. Народен фронт ја лишија од слобода Г.К.(74) од Скопје за која биле распишана централна потерница и наредба од Основно јавно обвинителство за истражна постапка даночно затајување во врска со чл.279 ст.2 од Кривичниот законик.

По спроведена истражна постапка, Основното јавно обвинителство Гостивар поднесе обвинителен акт против едно лице за кривично дело недозволено изработување, држење и тргување со оружје или распрскувачки материи казниво по Кривичниот законик.

Обвинетиот 53-годишен жител на селото Дебреше на 8 април годинава се движел во својата нива во атарот на селото, носејќи огнено оружје во пределот на појасот – пиштол и 12 куршуми со калибар 9мм Para, за кои немал соодветна дозвола за поседување.

Оружјето и муницијата ги пронашле полициски службеници, при личен преглед на обвинетиот.​