Црна хроника
Арамии фатени додека краделе во стан во Скопје
Тројца арамии биле уапсени додека краделе во стан на улица „Никола Малешевски“ во Скопје, соопшти МВР.
Синоќа два часа по полноќ полицајци вршеле мотопатролна дејност кога забележале познат крадец кој со уште две лица со пајсери и клешта за сечење арматура во рацете влегувале во зграда.
Полицајците заминале по нив и во стан на четвртиот кат забележале насилно отворена блиндирана врата од стан и внатре ги затекнале арамиите.
Тројцата се приведени и против нив ќе следуваат пријави./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсени четворица кумановци: краделе од приватен имот и одзеле домашни животни
Вчера полициски службеници од СВР Куманово ги лишиле од слобода Ѓ.С.(32) и С.Б.(27), двајцата од Куманово.
Тие се сомничат дека на 21.07.2024 одзеле предмети од приватен имот во Куманово.
Исто така, на 19.09.2024 во 18.20 часот, полициски службеници од СВР Куманово ги лишиле од слобода Д.Р.(31) и Е.И.(34), двајцата од Куманово, затоа што од приватен имот во кумановско одзеле домашни животни.
Лицата биле приведени во полициска станица и по целосно документирање на случаите против нив ќе бидат поднесени соодветни пријави.
Црна хроника
Мотоциклист излетал од патот во Струмичко, добил тешки повреди
Синоќа во Полициската станица Струмица било пријавено дека на локален пат помеѓу селата Робово и Муртино, струмичко, Р.П.(36) од село Владевци, струмичко, управувајќи мотоцикл „јамаха“ со струмички регистарски ознаки, изгубил контрола и со мотоциклот излетал надвор од патот.
Во несреќата со тешки телесни повреди се здобил мотоциклистот, констатирани во Медицински центар Струмица.
Извршен е увид.
Топ
Ограбена аптека во Ново Лисиче, разбојникот уапсен веднаш по грабежот
Вчера, во 21.55 часот на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода 30-годишниот Б. П. од населба Илинден, Скопје, извести МВР.
„Тој се сомничи дека околу 21.30 часот во аптека во населба Ново Лисиче со закана со пиштол кон вработените одзел пари од дневниот промет. Пиштолот бил пронајден и одземен, а биле пронајдени и парите и биле вратени на сопственикот“, соопшти МВР.
Лицето било задржано во полициска станица и по целосно документирање на случајот, против него ќе биде поднесена соодветна пријава.