Влијателниот филмски фестивал во Кан во четврток го потресе нова можна кражба на накит откако во текот на забава со ѕвездите исчезна дијамантски ѓердан вреден 2,6 милиони долари, тврди јувелирската компанија „De Grisogonо“.

Фаваз Гуси, основач на швајцарската компанија „De Grisogon“, изјави дека ѓерданот бил дел од колекција којашто ја носеле дваесет модели на забавата во хотелот „Cap-Eden-Roc“ во Антиб надвор од Кан во вторникот навечер. Меѓу гостите биле ѕвезди како Шерон Стон, Парис Хилтон, Орнела Мути, Алесандра Амбросио, Флавио Бриаторе и други.

Груси вели дека вечерта на забавата имало ангажирано 80-ина телохранители, локални полицајци, хотелското обезбедување и на самата компанија „De Grisogonо“, меѓутоа кога кон крајот на забавата била направена проверка било забележано дека недостасува еден дијамантски ѓердан.

„Не знаеме што точно се случило… Тоа беше еден од најубавите експонати коишто го имавме. Полицијата настојува да утврди што се случило“, изјавил Груси за Reuters.

Од полицијата во Кан изјавиле дека властите истражуваат дали станува збор за кражба, проблем со инвентарот или губење на накитот.

Според француската телевизија BFMTV за украдениот дијамантски ѓердан кој бил дел од колекцијата којашто била претставувана била ангажирана приватна агенција за обезбедување.

Во првата седмица од дванаесетте дена колку што трае канскиот филмски фестивал на монденскиот дел од француската ривиера, на 17-ти мај од хотелска соба во Кан бепе ограбен сеф со накит наменет за изнајмувае на познатите личности кои дефилираат по славната Кроазета на друга швајцарска јувелирска компанија „Chopard“ беа украдени благородни камења кои се проценети на 1,4 милиони американски долари./крај/мф/сн