Фатени албански државјани што краделе, а полицијата забележала уште две тешки кражби во Скопје и во Куманово.

Имено, во саботата, околу 3 часот, во село Челопек-тетовско полицијата ги пронашла и ги привела во полициската Жеровјане албанските државјани В.Х. (22) и Р. А. (36), поради основано сомнение дека сториле кривично дело „тешка кражба“.

Констатирано дека тие во село Челопек извршиле две тешки кражби во куќите на Р.Х. и А.Х., при што одзеле разен златен накит и други предмети, во вкупна вредност од над 100.000 денари.

На истите од страна на Истражен судија одредена им е мерка притвор во траење од по 30 дена.

Исто во саботата, во полициската станица Кисела Вода, А.Л. (36) од Скопје пријавила дека во периодот од месец април до вчера во нејзиниот стан лоциран на ул.„Сава Ковачевиќ“, непознат сторител извршил тешка кражба, при што одзел разен златен накит во вредност од 500.000 денари.

Тешката кражба сторителот ја извршил на тој начин што без употреба на сила влегол во детската соба и од ранец го одзел златото. СВР-Скопје превзема мерки за пронаоѓање на сторителот

Ноќеска, околу 23,30 часот во ПС-Куманово, пријавено е дека била извршена тешка кражба во куќа лоцирана на место викано „Говедарски пат“, сопственост на З.И. (61) од Куманово. полицијата утврдила дека непознат сторител со употреба на подесен алат го отворил прозорот од дневната просторија, влегол во куќата извршил пребарување и одзел поголема количина разен златен накит , со што се стекнал со противправна имотна корист 1.485.225 денари. СВР-Куманово превзема мерки за пронаоѓање на сторителот./крај/со/бб