Пронајдено оружје во домот на братот на уапсениот обвинител Ивица Ефремов од случајот Ореше.

Во поткровјето во куќата на обвинителот пронајдени се еден пиштол „Р.08“со рамка за куршуми,  триесет куршуми 7,9мм, пет куршуми 9мм-кратко полнење, еден куршум 7,62мм, еден куршум 7,65мм, пригушувач „silenger“ 9мм, пригушувач голем и десет пакувања експлозив ПЕП-500.

Ефремов пред полицајците се правдал дека поткровјето го користи неговиот брат дека пронајденото оружје не е во негова сопственост.

По добивањето на информацијата извршен е претрес и во домот каде живее братот на пријавениот при што е пронајдена поголема количина на оружје и муниција и тоа: една автоматска пушка марка Томсон, еден  пиштол марка „црвена застава“ со рамка, вкупно 265 куршуми 9мм, 257 куршуми 7,65мм, вкупно 148 куршуми 7,9мм, 865 куршуми 7,62мм (спакувани во 13 кутии), две пакувања со по 25 куршуми 357мм, 81 куршум 7,62мм, 42 куршуми 7,62мм-маневарски, 203 куршуми 45мм, 2 (два) куршуми 7,65мм-ппу62, две рамки за шкорпион, две рамки за снајперска пушка, четири рамки за пиштол 7,65мм-ппу62, две димни бомби марка КОДШ-М3Ф, четири пакувања „топовски удар“ со ознока М81 и две пакувања шок бомби марка РФ13 (односно околу 1950 куршуми различен калибар при двата претреса).

Против братот на Ефремов е поднесена кривична пријва за „недозволено изработување, држење и тргување со оружје или распрскувачки материи“./крај/мвр/фф