Во неделата доцна ноќта уште не е познат конечниот број загинати во тешката сообраќајна несреќа којашто околу 17 часот се случи во кањонот на Морача во Црна Гора на магистралниот пат од Подгорица кон Колашин.

Според различни извори на самото место се загинати 13 лица, а уште четири починале на пат кон болница, односно се починати 20 луѓе.

Според директот на Клиничкиот центар во Подгорица, во болницата се згрижени 31 повредено лице, меѓу кои и едно дете со полесни повреди. Меѓутоа, некои од настраданите се со тешки повреди опасни по живот. Меѓутоа, изјави дека уште се врши дијагностицирање, па не може да се каже прецизно за степенот на тежината на повредите.

Романската амбасада потврди дека во автобусот имало 46 патници кои преку романска туристичка компанија оделе на летување во Будва, а во Црна Гора влегле во неделата околу 15 часот кај граничниот премин Дорбаково.

Според првичните информации, автобусот се движел од правецот на Колашин и околу 17 часот излегувајќи од тунел по влажен коловоз на почетокот од мостот Грло кај манастирот Морача ја пробил заштитната ограда и се урнал во провалијата на околу 30 до 40 метри од патот.

На местото на несреќата набрзо стигнале екипи на специјалната полиција, планинари, припадници на службата за спасување и пожарникари коишто ги извлекувале повредените.

Повредените беа превезувани до паѓањето на вечерта во Подгорица со санитетски возила, приватни автомобили, камионети и полициски возила.

Се` уште се истражуваат причините за несреќата и според најавите истрагата со попрецизни информации ќе излезе во понеделник./крај/мф/сн