Кумановска на возраст од 41 година била претепана со тупаници од нејзин познаник, при што се здобила со скршеница на носот и модринки на очите и телото.

Како што соопшти кумановската полиција, жената  пријавила дека на 18.07.2013 год во 20.30 часот, откако завршила со работна и со нејзиното возило се упатила кон својот дом била пресретната од “Ауди“ со непознати регистерски таблици управувано од лице кое било познато на пријавителката. Истиот започнал да ја следи при што во еден момент ја  пристигнал и ја принудил да се паркира. Двајцата излегле пред возилата, по што пријавениот ја натерал да влезе во неговото возило, со кое се движеле по градските улици, во еден момент истиот физички ја нападнал удирајќи ја со тупаници по лицето и телото, нанесувајќи и скршеница на носот и модринки на очите и телото. Во 23.00 часот, откако оштетената му ветила дека повторно ќе се сретнат, пријавениот ја однел пред нејзината куќа и ја оставил, заканувајќи и се да не пријавува во полиција. Се преземаат мерки за пронаоѓање на сторителот и целосно расчистување на случајот. /крај/