Вчера во 18:00 часот во полициската станица Валандово било пријавено дека на регионалниот пат Р-1105 кај село Дедели се случила сообраќајна несреќа помеѓу товарно возило волво со полуприколка трисан, со турски национални ознаки, управувано од Е.Н.(38) од Република Турција, патничко возило фолксваген пасат со гевгелиски регистарски ознаки, управувано од М.С.(23) од Нов Дојран и патничко возило фолксваген голф со струмички регистарски ознаки, управувано од К.Е.(27) од с.Василево, струмичко.

 Во несреќата со тешки телесни повреди се здобило лицето  В.Н.(71) сопатник во возилото голф од село Сарај општина Босилово, а со телесни повреди се здобил возачот на пасатот М.С., а констатирани во Општата болница во Гевгелија.

За настанот бил известен јавен обвинител. Извршен бил увид од увидна екипа од  ОВР Валандово.

Поранешниот пратеник и директор на најголемиот затвор во државава, затворот „Идризово“, Живко Пејковски загинал возејќи се со службено возило на Агенцијата за храна и ветеринарство (АХВ). Министерството за внатрешни работи соопшти детали за трагичната сообраќајка во која животот на лице место го загуби Пејковски.

„Вчера во 13:10 часот во СВР Битола било пријавено дека на регионалниот пат Р-1305  на место викано Чагор се случила сообраќајна несреќа помеѓу патничко возило фиат со битолски регистарски ознаки, управувано од Г.С.(34) и патничко возило цитроен со скопски регистарски ознаки, управувано од Ж.П.(61), а во сопственост на  Агенцијата за храна и ветеринарство, инаку и двајцата од Демир Хисар. Во несреќата на местото на настанот починал Ж.П., а лекар од Итната медицинска помош од Демир Хисар констатирал смрт. По наредба на јавен обвинител телото на починатиот било предадено на обдукција. Извршен бил увид од увидна екипа од СВР Битола“, соопшти денес МВР.

Полициски службеници од СВР Куманово лишија од слобода 17-годишен малолетник од Куманово, постапувајќи по добиена пријава на 29.11.2024 во 09.05 часот дека е откорната табла од канцеларијата на Конзулатот на Република Србија во Македонија, лоциран во Куманово, соопшти МВР.

Како што се наведува во соопштението од МВР, веднаш по добиената пријава, во координација со ОЈО Куманово, полициски службеници од СВР Куманово презедоа мерки и активности и го расчистија кривичното дело. Малолетникот е приведен во полициска станица и по документирање на случајот СВР Куманово ќе поднесе кривична пријава по член 319 од КЗ до ОЈО Куманово.