Црна хроника
Уапсени двајца кои сакале да провалат кај кралицата Елизабета
Лондонската полиција објави во саботата дека уапсила двајца мажи кои се осомничени дека сакале да провалат во Бакингемската палата, резиденцијата на британската кралица Елизабета Втора во понеделникот навечер.
Првиот бил откриен во 22.30 часот зад решетките на кралската палата „во секторот кој е отворен за јавноста преку ден“. Неговиот наводен соучесник бил приведен пред Бакингемската палата во којашто таа вечер не престојувал ниеден член од кралското семејство, според полицијата.
Двајцата осомничени провалници се пуштени на слобода, меѓутоа мораат да останат достапни за истрагата.
Овој инцидент ја поттикна лондонската полиција да ја преиспита безбедносната процедура којашто важи за дворецот, но изгледа безначаен во однос на спектакуларната провала на Мајкл Фаган кој во 1982 година успеал да дојде до спалната одаја на кралицата. Се зборува дека, разбудена од провалникот, Елизабета Втора извесно време разговарала со 30-годишникто пред да биде уапсен.
Кралицата во моментов се наоѓа на одмор во Шкотска, во дворецот Балморал, едена од летните резиденции на британското кралско семејство./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возач со џип удри во дете на велосипед и тешко го повреди
Вчера во 16.46 часот по ОВР Кочани било пријавено дека малолетник се здобил со тешки повреди додека управувал со својот велосипед откако во него удрил џип управуван од 33-годишниот В.В од Кочани. Несреќата се случила на на крстосница од ул.„Скопска“ и ул.„П.Вељанова“ во Кочани.
Во несреќата со тешки телесни повреди се здобил малолетникот, констатирани во болницата во Кочани.
Увид на местото на несреќата извршила екипа на ОВР Кочани.
Црна хроника
Пешакот на магистралниот пат Штип-Кочани го усмртил 26-годишен возач со „опел астра“
Денеска во ОВР Кочани било пријавено дека околу 08.00 часот на магистралниот пат Штип – Кочани, кај с.Тркање, патничко возило „опел астра“ со кочански регистарски ознаки, управувано од К.А.(26) од с.Облешево, кочански, удрило во пешакот С.С.(56) од с.Теранци, кочанско.
Од здобиените пешакот С.С. починал на местото, а лекар констатирал смрт.
Увид извршила екипа од ОВР Кочани
Црна хроника
Полицијата правеше претрес во Прилеп, приведе едно лице и најде дрога
Полицијата вчера попладне го лишила од слобода Н.Н.(35) од Прилеп. При претрес во неговиот дом, извршен со судска наредба, биле пронајдени и одземени марихуана, бела прашкаста материја, различни таблети, грутчеста материја и дигитална вага.
Лицето било приведено во полициска станица и по целосно расчистување и документирање на случајот, против него ќе биде поднесена соодветна пријава