Црна хроника
Крадци се обиделе да го ограбат станот на градоначалникот на Куманово

Непознати сторители завчера напладне се обиделе да го ограбат станот на градоначалникот Зоран Дамјановски на булеварот „Октомвриска револуција“ во Куманово, јавува Кумановоњус.
Обидот за кражба се случил помеѓу 13 и 14 часот додека никој немало дома. Крадците ја скршиле бравата и лајсната на влезната врата, но не влегле во станот, најверојатно затоа што наишол некој од соседите.
Скршената врата ја нашла сопругата на градоначалникот кога се вратила од работа. Дамјановски во тоа време бил во Скопје на службен состанок. Веднаш повикале полиција која излегла на терен и извршила увид на лице место.
„Кражбата сакале да ја извршат најверојатно повеќе лица, многу професионално, затоа што бравата ја провртеле со дупчалка а бургијата ја ладеле во водата за цвеќиња што во шише ја чуваме пред станот.Истовремено ги ограбиле и соседите. Незнам кој би можел да го стори тоа и не се сомневам во никого, оставам полицијата да открие“ изјави градоначалникот за порталот.
Од СВР Куманово го потврдуваат случај на тешка кражба во обид во станот на градоначалникот, и велат дека работат на откривање на сторителот.
Крадците истиот ден провалиле во друг стан во зградата, еден кат над градоначалникот, и однеле златен накит во вредност од 10 000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.