Црна хроника
Пијан маж ја нападнал поранешната сопруга
Жител на гостиварското село Здуње ја нападнал својата поранешна сопруга во нејзниот стан на улица „Гоце Делчев“ во Гостивар, соопшти МВР.
Пијаниот маж влегол во станот на поранешната сопруга ја фатил за коса, ја удрил во пределот на главата, а потоа почнал да фрла предмети од плакарот.
Триесет и седумгодишниот гостиварец почнал да и се заканува на седум години помладата жена дека ќе ја убие и ја навредувал.
Тој е приведен и утврдено му е присуство на алкохол во крвта од 1,6 промили. Се преземаат мерки за расчистување на случајот по што ќе биде поднесен соодветен поднесок. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се запали автомобил во двор во охридското село Лакочереј
Вчера во 13.26 часот во СВР Охрид било пријавено дека во двор во село Лакочереј, Охридско, настанал пожар во патничко возило „опел“ со охридски регистарски ознаки, сопственост на Л.С. од Охрид.
Екипа од Територијалната противпожарна единица Охрид го изгаснала пожарот, а повредени лица нема. Увид бил извршен.
Црна хроника
Со автомобил тешко повредил жена во Прилеп и побегнал
Вчера во 18.50 часот во ОВР Прилеп било пријавено дека на ул.„11 Октомври” во Прилеп, патничко возило удрило во пешакот Ж.М.(56) од Прилеп, по што возачот го напуштил местото. Во несреќата со тешки телесни повреди се здобила Ж.М., констатирани во Градската болница Прилеп.
Увид на местото на несреќата извршила увидна екипа од ОВР Прилеп.
Црна хроника
Паднат и со повреди во подземна гаража во Скопје е најден маж од Велика Британија
Во подземна гаража на улица „Анастас Митрев“ бил пронајден паднат и со повреди Х.К.Р.(58) од Велика Британија.
Како што информира денеска МВР, случајот синоќа, во 21:35 часот, бил пријавен во СВР Скопје. Лицето било пренесено во Комплексот клиники „Мајка Тереза“ за укажување помош.
Полицијата презема мерки за расчистување на случајот.