Црна хроника
Со лажен пиштол извршен грабеж на пошта во Охрид
Непознат напаѓач со лажен пиштол успеал вчера да одземе 16.000 денари од експозитурата на Македонски пошти на ул. „Билјанини извори“ во Охрид, во близина на „Мини маркетот“.
Како што информираат од МВР, непознато лице со фантомка на главата вчера попладне упаднало во експозитурата и под закана со оружје од вработената одзело 16.000 денари, по што веднаш го напуштило местото.На излегување крадецот бил забележан од случаен минувач кој се обидел да го запре, но тој успеал да побегне при што му испаднал пиштолот, за кој подоцна било утврдено дека е пластичен.Полицијата работи на пронаоѓање на сторителот на кражбата и расчистување на случајот, јавува OhridNews. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се запали автомобил во двор во охридското село Лакочереј
Вчера во 13.26 часот во СВР Охрид било пријавено дека во двор во село Лакочереј, Охридско, настанал пожар во патничко возило „опел“ со охридски регистарски ознаки, сопственост на Л.С. од Охрид.
Екипа од Територијалната противпожарна единица Охрид го изгаснала пожарот, а повредени лица нема. Увид бил извршен.
Црна хроника
Со автомобил тешко повредил жена во Прилеп и побегнал
Вчера во 18.50 часот во ОВР Прилеп било пријавено дека на ул.„11 Октомври” во Прилеп, патничко возило удрило во пешакот Ж.М.(56) од Прилеп, по што возачот го напуштил местото. Во несреќата со тешки телесни повреди се здобила Ж.М., констатирани во Градската болница Прилеп.
Увид на местото на несреќата извршила увидна екипа од ОВР Прилеп.
Црна хроника
Паднат и со повреди во подземна гаража во Скопје е најден маж од Велика Британија
Во подземна гаража на улица „Анастас Митрев“ бил пронајден паднат и со повреди Х.К.Р.(58) од Велика Британија.
Како што информира денеска МВР, случајот синоќа, во 21:35 часот, бил пријавен во СВР Скопје. Лицето било пренесено во Комплексот клиники „Мајка Тереза“ за укажување помош.
Полицијата презема мерки за расчистување на случајот.