Министерството за внатрешни работи расчисти и документираше уште еден инцидент од неколкуте кои се случија кон крајот на ноември во главниот град, а во кои беа инволвирани малолетни лица.

За случајот од вечерта на 25-ти ноември кога на автобуската постојка кај Бит пазар беше нападнат 18-годишник од Скопје, а потоа со метални предмети беше оштетен и возило на скопското Јавно сообраќајно претпријатие, кривична пријава заработи еден 16-годишник и уште засега неидентификувано лице, кои ќе одговараат за кривично дело „насилство“.

Сега пријавениот малолетник заедно со непознатото лице кривичното дело го извршиле на 25-ти минатиот месец во 20,50 часот, во автобус на ЈСП Скопје со број 50., на булеварот „Крсте Мисирков“, поточно на автобуската станица Бит пазар во централното градско подрачје. Имено откако нивниот 18-годишен сограѓанин по завршување на шестиот час во средното училиште „Михајло Пупин“ каде што учи, тргнал дома се автобусот, но кога автобусот пристигнал на автобуската постојка кај и стоп така средното училиште „Боро Петрушевски – АСУЦ“ се качила група на ученици при што веднаш почнале вулгарно и некултурно да се однесуваат и да ги провоцираат другите патници во автобусот.

Кога автобусот пристигнал на Бит пазар, момчето било нападнато од пријавениот и непознатото лица кои го удирале со тупаници во главата по што избегале од автобусот и со метален синџир го искршиле стаклото од задната врата на автобусот.

Пред неколку дена било извршено препознавање на малолетниот напаѓач за што се изготвени записници за препознавање на лица кое е аудио-видео документирано во присуство на адвокат и Јавното обвинителство за малолетници./крај/мф/сн