Црна хроника
Изречени пресудите за обвинетите во „Детонатор“

Доживотен затвор за обид за убиство, злосторничко здружување и насилство, пресуди во среда судијката Весна Димишкова за двајцата недостапни Сашко Стојчев и Симеон Михаилов, во процесот „Детонатор“.
Игор Горански е казнет со 13 ипол години. Година повеќе има Жан Железарски. 12 ипол му се одредени на Горан Божиновски, а 13 ипол на Јорданчо Михајлов. Стојан Паликрушев е казнет со 9 ипол години, а Тони Лесански со 8. Одговорни се за обид за убиство, злосоторничко здружување, насилство, лихва, измама.
Останатите се казнети со помали казни. Далибор Алексовски со 5 ипол. Горан Кузмановски со 4 ипол. Останатите од година до две ипол. Двајца се ослободени од обвинение.
Судијката Весна Димишкова, индиректно порача дека не се плаши од „поздравите“, односно заканите, што и ги упатувале посредници.
Осудените ќе останат во притвор, а задолжени се да исплатат околу 10 илјади евра- поголем дел на лицето кое го нападнале и помал дел на сопственичка на возило кое настрадало при нападот. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.