Црна хроника
Тешки кражби во Тетово и Паланка

Две тешки кражби регистрирани се деновиве во тетово и Крива Паланка при што е причинета вкупна материјална штета од околу 800.000 денари (над 13 илјади евра).
Според билтенот на МВР објавен во вторникот, во неделата вечерта во Тетово на ул. „Јордан Златаровски“ непознат сторител со употреба на погоден предмет преку прозорец влегол во куќата на Б.М.(41), при што извршил тешка кражба одземајќи 8.000 евра и разновиден златен накит со што се стекнал со материјална корист во вредност од 540.000 денари.Во временскиот период, пак, од 28 до 30.12.2013 година, во Крива Паланка непознат сторител со употреба на погоден предмет и физичка сила влегол во куќата на А.М.(52), при што извршил тешка кражба на поголема количина златен накит во вредност од 267.000 денари.Се преземаат мерки за откривање на сторителите на двете кражби. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.