Црна хроника
Дочекот на 2014-та мина во мирна атмосфера и без поголеми инциденти
Новогодишната ноќ помина во мирна и празнична атмосфера, без поголеми инциденти, истакна во средата министерката за внатрешни работи, Гордана Јанкулоска, при нејзината посета на полициската станица Центар во главниот град, каде беше информирана за активностиѕр и инциденти во текот на новогодишната ноќ.
„На територија на Република Македонија се регистрирани дваесет нарушувања на јавниот ред и мир, бројка којашто е пониска од вообичаената во денови кога не се прославува. Во Скопје се регистрирани четири нарушувања и неколку сообраќајни несреќи без посериозни последици. Бројката на инциденти во Скопје е драстично помала“, истакна Јанкулоска.
Во врска со нападот на возилото на Брза помош, министерката додаде дека полицијата има почетни информации и очекува инцидентот да биде набрзо расчистен.
Регистрирани биле и неколку обиди за кражба, меѓутоа со брзата полициска интервенција истите на лице место биле спречени../крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.