Црна хроника
Приведен осомничен за претепувањето до смрт на млад кавадарчанец

Кавадаречката полиција има приведено лице во врска со претепувањето на кавадарчанец, кој беше пронајден во подрум на зграда во тешка состојба, а подоцна почина во болница.
„Во полициската станица од општа надлежност во Кавадарци приведено е лице во врска со претепувањето и убиството од пред неколку дена. Приведеното лице е од Кавадарци и во моментов се работи со него“, соопшти портпаролката на СВР Велес, Анита Стојковска.
Дејан Димитриевски (32) од Кавадарци почина на 30 декември во кавадаречката болница откако претходно беше претепан. Димитриевски во многу лоша положба беше пронајден во подрумските простории на зградата во која живеел. Лекарите во општата болница во Кавадарци интервенираа брзо, но момчето за кратко време им подлегна на повредите. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.