Црна хроника
Пресечен илегален канал за трговија со наркотици

Две лица се осомничените дека организирале транспорт на марихуана од Албанија преку Македонија со цел пренесување и продажба на дрогата на пазарот во Грција.
Основното јаво обвинителство во Прилеп поднесе кривична пријава против лицата Е.Б. (20) албански државјанин и Ф.Џ. (47) од Охрид поради основано сомневање за сторено кривично дело „неовластено производство и пуштање во промет наркотични дроги, психотропни супстанции и прокурсори“.
Пријавените, во вечерните часови, со такси возило ја превезувале дрогата која била спакувана во две црни полиетиленски вреќи.
Откако кај селото Витолишта биле забележани и сопрени од страна на полициски службеници при Гранична полиција која извршила рутинска контрола и преглед на возилото, во задниот дел во багажникот, во патна торба била откриена непознатата растителна материја.
По вештачење било утврдено дека станува збор за 6.370 грама наркотична дрога марихуана.
Од страна на Судија за претходна постапка при Основниот суд Прилеп на пријавените лица определена им е мерка притвор во траење до 30 дена./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведено лице од скопско поради управување возило под дејство на алкохол

Вчера во 19.00 часот во Делчево, полициски службеници од ОВР Делчево го лишиле од слобода 47-годишниот О.Ј. од село Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.
Црна хроника
Нова сообраќајка во Скопје: на пешачки премин пред „Дајмонд мол“ прегазена девојка

Денеска на пешачки премин пред „Дајмонд мол“ е прегазена девојка.
„Имаме пријава утрово за сообраќајка, удрен пешак. Со возило на Итна медицинска помош е пренесен во Клиниката за хируршки болести Св. Наум Охридски“, соопштија од МВР.
Според очевидци се работи за девојче кое минувало на пешачки премин.
Повеќе детали се најавени во текот на денот.
Црна хроника
Поради несреќа, сообраќајот на експресниот пат Штип е во прекин

Поради сообраќајна незгода од 08:10 часот сообраќајот на експресниот пат Штип, после с.Лакавица е во прекин, соопштија од АМСМ.
Како што додаваат од АМСМ, сообраќајот ќе се пренасочува по магистрален пат А4, Штип – Радовиш.