Црна хроника
Грчки државјанин оштетил царинска пломба
Царинските службеници на граничниот премин Богородица при преглед на товарно моторно возило пријавено за излез од државата, открија оштетување на царинска пломба што претставува кривично дело казниво по закон.
На 4 февруари при преглед на товарно моторно возило со бугарски регистерски ознаки, управувано од грчки државјанин со иницијали Д.Г., царинските службеници открија оштетување на царинско обележје што претставува кривично дело „Симнување или оштетување на службен печат или знак“ казниво по Кривичниот законик.
Имено, осомничениот претходниот ден на влез во Македонија на граничниот премин Богородица се пријавил со возило натоварено со минерална вода наменета за краен корисник од Германија и отпочнал транзитна постапка која што требало да ја заврши на граничен премин Табановце.
На неколку километри пред Табановце, на бензиска пумпа, осомничениот го запрел возилото каде со употреба на физичка сила и рачен алат ја оштетил царинската пломба, потоа наместо да го продолжи движењето кон Табановце, завртел во обратен правец и повторно се вратил на Богородица, но сега на излез од Македонија. Царинските службеници при прегледот на возилото забележаа дека царинската пломба е оштетена, односно била на место предвидено за пломбирање, но истата била скината.
При повторно мерење на возилото констатирано е дека има разлика во тежина од 2440 килограми, односно недостигаат 5 палети од вкупно пријавените 27 со вода за пиење пакувана во пластични шишиња.
Одделението за истраги при Царинска управа го известила Основното јавно обвинителство – Гевгелија од каде добила упатства дека постои основано сомнение за сторено кривично дело, да се задржи осомничениот и возилото и да се поднесе кривична пријава до ОЈО Гевгелија.
По изготвената кривична пријава, осомничениот е предаден на Основниот суд во Гевгелија каде во предистражна постапка судијатата донесе решение со кое определи мерка притвор во траење од 8 дена поради постоење на основано сомнение дека сторил кривично дело „Симнување или оштетување на службен печат или знак “./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Запален „мерцедес“ во Центар, огнот зафатил и „ауди“
Утрово во 05.50 часот во СВР Скопје било пријавено дека на паркинг простор на подрачјето на Центар настанал пожар во патничко возило „мерцедес“ со скопски регистарски ознаки, сопственост на И.Т.(49) од Скопје.
Од пожарот било зафатено и патничко возило „ауди“ со скопски регистарски ознаки, сопственост на А.Ј. од Скопје.
Пожарот бил изгаснат од екипа на Бригадата за противпожарна заштита Скопје, а повредени лица нема.
Увид бил извршен.
Црна хроника
Работник ги пријавил сопствениците на скопска фирма дека го натепале
Синоќа по полноќ, М.Л.(37) од Скопје пријавил дека претходниот ден околу 19.00 часот бил физички нападнат од сопствениците на фирмата во која работел во селото Ржаничино, скопско.
МВР соопшти дека по документирање на случајот ќе следува соодветен поднесок.
Црна хроника
Кривична за стружанец кој исфрлил ѓубре од трактор на нива па го запалил
Надворешна канцеларија за криминалистички работи Струга поднесе кривична пријава против К.М.(63) од Струга поради постоење основи на сомнение за сторено кривично дело „предизвикување општа опасност“.
На 06.09.2024 , пријавениот во трактор натоварил ѓубре, по што го исфрлил на нива и го запалил, соопшти МВР во дневниот билтен.