Црна хроника
Во сообраќајна несреќа загина адвокат од Велес

Никола Димов, адвокат од Велес, утрово загина во тешка сообраќајна несреќа на патот Неготино – Велес во близина на археолошкиот локалитет „Стоби“.
Засега непознати се причини зошто возилото со кое управувал Димов во четвртокот околу шест часот и 15 минути излетало од автопатот кај местото „Летиште“, информираат од СВР Велес.
Од таму известуваат дека за несреќата во полиција било пријавено од случајни минувачи кои и соопштиле на полицијата дека возило марка „Мазда“ со велешки регистарски таблички излетало од автопатот и се превртило.
Основен јавен обвинител од Кавадарци и увидна екипа излегоа на терен и направија увид на местото на несреќата, по што телото на загинатиот Димов е предадено на семејството.
Никола Димов е роден 1963 година во Велес.
Тој беше познат адвокат кој претходно неколку години ја извршуваше функцијата јавен правобранител за општините Велес и Неготино./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Судир меѓу три возила во Тетово: едно лице со тешки повреди пренесено во болница

Вчера во 14:20 часот во СВР Тетово е пријавено дека на булеварот „Благоја Тоска“ во Тетово се случила сообраќајна несреќа помеѓу патничко возило „голф“ со тетовски регистарски ознаки, управувано од Р.И.(53) од Тетово, патничко возило „опел астра“ со тетовски регистарски ознаки, управувано од А.Б.(46) од Тетово и патничко возило „бмв“ со тетовски регистарски ознаки, управувано од Ј.А.(36) од с.Непроштено, општина Теарце.
Во несреќата со тешки телесни повреди се здобил возачот А.Б., констатирани во Клиничката болница Тетово. Извршен е увид од увидна екипа од СВР Тетово.
Топ
Жени се истепаа во автобус на ЈСП, во друг инцидент, скопјанец нападнат од четири лица

Вчера во 14:20 часот во СВР Скопје е пријавено дека во автобус на ЈСП на подрачјето на Центар, бил нарушен јавниот ред и мир со физичка пресметка помеѓу 46-годишната К.Т. од Куманово и 47-годишната Б.С. од Скопје.
По целосно документирање на случајот ќе следува соодветен поднесок.
Исто така, вчера во 16:30 часот во СВР Скопје, А.Г.(41) од Скопје пријави дека околу 13:30 часот во автобус на ЈСП на подрачјето на Бит Пазар, бил физички нападнат од четири лица. Се преземаат мерки за расчистување на случајот.
Црна хроника
Изгоре „пежо“ во Гази Баба, нема повредени

Вчера во 16:00 часот во СВР Скопје е пријавено дека околу 13:30 часот на подрачјето на Гази Баба во Скопје настанал пожар на патничко возило „пежо“, сопственост на 37-годишниот К.М. од село Бучинци, скопско.
Пожарот е изгаснат од сопственикот, а повредени лица нема. Извршен е увид.