Шеесет идеветгодишниот Мустафа Спречо од селото Мравиќи, во близина на Добој во БиХ, се обидел со чекан да ја убие сопругата Садета, по што самиот си го отсекол пенисот, јавува Дневни аваз.

До физичката пресметка дошла по кавгата во четвртокот, кога Мустафа почнал да ја тепа сопругата со чекан по главата и телотот, потоа се обидел да ја запали куќата, а на крајот си ги пресекол вените и половиот орган.

Садета почнала да бара помош, а тоа го слушнала нејзината снаа, која живее на кат во истата семејна куќа, по што го повикала сопругот, кој ги пронашол родителите облеани во крв.

Мустафа и Садета биле префрлени во болница и операирани. Тој бил сместен на психијатрија, а неговата сопруга на неврохирургија. И обајцата се во тешка, но стабилна состојба и не се во животна опасност.

За време на увидот, полицајците во куќата пронашле катастарски изводи, па се претпоставува дека кавгата избувнала заради имотни односи. /крај/бл/ст