Црна хроника
Тешки кражби во Скопје и Кавадарци

Во две одделни кражби што се случиле на територијата на Скопје и Кавадарци арамии ограбиле два стана и притоа одзеле поголем број златни предмети и накит. Вкупната штета проценета е на 750 илјади денари.
Во средата на улицата „Вашингтонска“ во Скопје непознат сторител со употреба на сила влегол во домот на 28 годишниот З.З. при што одзел златен накит и се стекнал со противправна корист од околу 600 илјади денари, соопштуваат од Министерството за внатрешни работи.
Во Кавадарци, пак, на улица „7-ми Април“ од стан во сопственост на Љ.П.(34) разбојник откако со употреба на погоден предмет влегол во објектот извршил пребарување и одзел разни златни предмети, причинувајќи матерјалната штета од околу 150.000 денари.МВР интензивно работи на откривање на сторителите./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Се запалија викендичка на Матка и кафеана во Гази Баба

Во текот на вчерашниот ден во Скопје се случиле два одделни пожари, потврди Министерството за внатрешни работи.
Првиот пожар избувнал околу 09:50 часот во угостителски објект на подрачјето на Гази Баба, а вториот околу 16:38 часот во викенд-куќа во село Долна Матка, сопственост на Ј.Д. (71) од Скопје.
Во двата случаи пожарите биле изгаснати од екипи на Бригадата за противпожарна заштита на Град Скопје, повредени лица нема, а увид извршиле екипи од СВР Скопје.
Црна хроника
Приведен маж од Мршевци по пријава дека физички нападнал малолетник

Полициски службеници од СВР Скопје го привеле Б.С. (54) од село Мршевци, општина Илинден, по пријава дека физички го нападнал малолетниот син на 39-годишната А.Ј.
Инцидентот се случил на 19 октомври 2025 година околу 15:30 часот во селото Мршевци. Од МВР информираа дека по целосно документирање на случајот ќе биде поднесен соодветен поднесок против приведениот.
Црна хроника
Скопјанец му се заканувал и му го оштетил возилото на својот брат

Полицијата го приведе Б.М. (45) од Скопје на подрачјето на Карпош, по пријава дека упатувал закани кон својот 46-годишен брат, а потоа со тврд предмет го оштетил неговото патничко возило.
Инцидентот се случил вчера околу 10 часот, а по целосно документирање на случајот, против осомничениот ќе биде поднесен соодветен поднесок, соопштија од Министерството за внатрешни работи.