Црна хроника
Повредени припадници на Шумската полиција
Двајца припадници на Шумската полиција се потешко повредени во физичкиот напад на осуммина непознати лица врз четиричлена полициска патрола во петокот навечер во близина на местото Раскрсница кај рудникот „Сивец“ крај Прилеп, информираат од МВР.
Четворицата полицајци биле спречени при вршењето на службените дејствија, при што на двајца од патролата им се нанесени тешки повреди.
Додека управувале службеното возило „лада нива“ и вршеле контрола на патниот правец Прилеп – Дервен и Дервен – Никодин, автомобил „лада“, со непознати регистарски таблички, се испречило пред нивното возило за да им го попречи и оневозможи движењето. Полицајците излегле од возилото и во истиот момент од другото возило излегле осум засега непознати лица, кои физички ги нападнале.
Еден од полицајците бил удрен со рачка од секира во левиот заден слабински предел од телото по што паднал на земја. За да го одбие нападот и заради заплашување, испукал еден истрел од својот службен пиштол „ЦЗ“ калибар 7,62 милиметри по што напаѓачите избегале.
Полициската станица Прилеп презема мерки за пронаоѓање на сторителите./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Едно лице тешко повредено во сообраќајна несреќа на патот Прилеп – Битола
Oколу 1.05 часот, во СВР Битола било пријавено дека на патот Прилеп – Битола, во близина на Прилеп, се случила сообраќајна несреќа помеѓу товарно возило „ман“, со битолски регистарски ознаки, управувано од Д. М. (58) од Битола, и патничко возило „ауди“, со прилепски регистарски ознаки, управувано од Д. К. (20) од Прилеп.
Во несреќата возачот Д. К. добил тешки телесни повреди констатирани во болницата во Прилеп.
Увид на местото извршила екипа од СВР Битола.
Топ
Починато бебе: автомобилот во кој било превезувано излетал од патот помеѓу селата Босилово и Турново
Вчера, околу 12.50 часот, во СВР Струмица било пријавено дека на магистралниот пат Струмица – Ново Село, делница помеѓу селата Босилово и Турново, патничко возило „фолксваген поло“, со струмички регистарски ознаки, управувано од 40-годишната В. Д. Т. од село Стиник, општина Ново Село, излетало од коловозот.
Од добиените повреди починало бебето што било превезувано во возилото, а смрт констатирал лекар во Медицинскиот центар Струмица.
Телесни повреди добиле В. Д. Т. и сопатничката С. Т. (49) од село Доброшинци, Струмичко.
Полицијата соопшти дека увид на местото извршиле јавен обвинител и екипа на СВР Струмица.
Црна хроника
Мотоциклист прегазил 73-годишен велосипедист во Скопје и избегал
Вчера, во 13.20 часот, во СВР Скопје, од комплексот клиники „Мајка Тереза“ било пријавено дека кај нив со тешки телесни повреди бил донесен Ј. Б. (73) од Скопје, кои ги добил во сообраќајна несреќа.
Полициски службеници со него извршиле службен разговор, во кој изјавил дека на 17.3.2024, околу 17 часот, на улицата Методија Патчев во Скопје, додека управувал велосипед, бил удрен од мотоцикл, кој го напуштил местото.
Се преземаат мерки за расчистување на случајот.