Црна хроника
Полициската 'Канџа' фати 60-ина 'естрадни уметнички'
Ноќта кон неделата до раните утрински часови повеќе од 200 полициски службени од различни сектори беа ангажирани во една од најобемните акции, со кодно име „Канџа“ на Министерството за внатрешни работи и соработка со Управата за јавни приходи, за контрола во угостителски објекти и спортски обложувалници на подрачјето на Тетово и Гостивар, при што се откриени 64 странски државјанки со нерегулиран престој во Македонија а од 13 спортски обложувалници само една имала лиценца.
Целта на акциската контрола во угостителските објекти беше пронаоѓање странски државјанки со нерегулиран престој во земјата, кои се нелегално вработени во угостителските објекти како „пејачки“, „танчерки“, „придружнички“ односно келнерки, а кои се можни жртви на трговија со луѓе, додека целта на спроведувањето на акциската контрола во обложувалниците беше откривање на оние кои вршат дејност без лиценца како и кривични дела и прекршоци од Законот за игри на среќа и за забавните игри.
Во акциајта цел на контрола беа во Тетово и тетовски биле објектите и локалите „Енерџи клуб“, поранешен угостителски објект „Хилтон“ во Желино, „Ловец“, „Кораби“, „Ориентал Ас“ и „Баци“, како и „Равен – Кастриот“, „Бакарди“, „Били“ во село Чегране, „Били 97“ во Топлица, „Алпе Маре“ и „Нота“, исто така, во Чегране од подрачје на Гостивар.
При акциската контрола во угостителските објекти пронајдени се 64 странски државјани, од кои 61 женско и 3 машки лица. Од нив 58 женски и 3 машки лица се приведени во ПС Тетово и ПС Гостивар и против истите во текот на утрешниот ден од страна на Одделението за прекуграничен криминал, странци и реадмисија, ќе им бидат поднесени Барања за поведување на прекршочна постапка согласно чл.153 с.1 т.2 од Законот за странци – Злоупотреба на туристички престој.
Освен овие лица, легитимирани биле и 391 државјанин на акедонија кои биле гости во споменатите угостителските објекти. При акциската контрола во два објекта севпронајдени и одземени три албански патни исправа на име на женски лица кои не се затекнати таму.
Исто така, во два од објектите, кај двајца од гостите, при извршен преглед на патничките моторни возила со кои пристигнале, се пронајдени два пиштола (еден во касета и еден под седиште). Едно од лицата изјавило дека пиштолот кој го поседувал е во постапка за добивање дозвола и оружјето е одземено до докажување на вистинитоста на изјавата, додека второто лице го поседувало пиштолот со дозвола.
Во друг објект од едно лице, при извршен преглед на патничкото моторно возило со кое пристигнал, пронајдени се и одземени се бејзбол палка и нож марка „Миков“. Кај друго лице од истиот локал, пронајдена е мало количество растителна материја која е одземена за вештачење. Двете лица се предадени за натамошна постапка на гостиварската полиција.
Инспекторите на Управата за јавни приходи (УЈП), пак, во сите објекти во кои е извршена контрола констатирале прекршоци по Закон за регистрирање на готовински плаќања, односно неиздавање фискална сметка и невоведување фискална сметка. за што се изречени парични глоби во висина од 750 евра за физички лица и 2.500 евра за правните лица.
Констатирани, исто така, биле и прекршоци од Законот за пушење и Закон за даночна постапка, а на дел објектите издадени им се Решенија за забрана за вршење дејност во времетраење од 30 дена.
Во делот од акцијата чија цел биле спортските обложувалници, била извршена извршена контрола во „Зеро Бет“, „Пица Лонг графити“, „Бет2деј“, „Кафе клуб 10“, „Бет 365“, „Еуро лото“, „Бундес“, „Еуро шанса“, „Там-бетинг“ и уште неколку објекти кои немаат назив.
Од контролите во спортските обложувалници во Тетово и Гостивар констатирано е дека работат незаконски, односно не поседуваат лиценци за работа, бидејќи од 13 објекти само обложувалницата „Евро-гол“ во Тетово поседувала лиценца за работа.
Во 12 спортски обложувалници од страна на УЈП се констатирани прекршоци по чл.158 и кривични дела по чл.156 од Законот за игри на среќа и за забавните игри, а исто така се издадени решенија за забрана на вршење на дејност. Легитимирани се 122 лица, а при легитимирањето пронајдени се две лица по кои се трагало по распишана потерница. Одземени се 263.453 денари и 440 евра, 55 телевизори, 29 компјутери, 20 монитори, 16 штампачи, седум ресивери, три читача за тикети, три печатача, три фискални апарата, два модема и два проектора./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
4.000 евра за „проверка на валута“, 3.000 евра за лажна операција – измамници хараат во Радовиш и Неготино
Во последните денови регистрирани се повеќе измами во Радовиш и Неготино, информира полицијата.
Поднесена е кривична пријава против Г.Б. (37) од Радовиш поради сомнение за сторено кривично дело измама на купувачи. На 10.02.2026 и во два наврати на 18.02.2026, пријавениот и неговиот малолетен син пуштиле во промет производи со ознака на позната марка, кои не одговарале на потеклото или квалитетот на оригиналните производи. На тој начин се стекнале со противправна имотна корист од 250 евра и златен накит, кој го прифатиле како замена за пари.
На 18.02.2026 тие биле затекнати во Радовиш во патничко возило „пежо“ со скопски регистарски ознаки. При преглед на возилото биле пронајдени и одземени повеќе комплети со ознака на позната марка, а кај нив биле пронајдени пари и златен накит, за кои постои сомнение дека потекнуваат од измамените лица.
Во одделен случај, на 19.02.2026 во 12:30 часот во ОВР Неготино, 76-годишен жител пријавил дека бил измамен за 4.000 евра.
„Според пријавеното, лицето побарало од оштетениот да му даде 4.000 евра за да му ги покаже на друго лице, кое го претставил како странски државјанин, а за да му докаже дека еврото е валидна валута во земјава. Како што е пријавено, тој му ги дал парите, а лицето му дало чанта со катaнец да ја чува како доказ дека ќе се врати. Откако, оштетениот ја отворил чантата сфатил дека е измамен. Се преземаат мерки за расчистување на настанот“, велат од МВР.
Истиот ден, во 17:15 часот, 81-годишна жителка на Неготино пријавила дека била измамена за 3.000 евра. Според пријавеното, непознато лице телефонски ѝ се претставило како лекар и ѝ кажало дека нејзината ќерка е во болница и итно треба да се изврши операција. Таа ги оставила парите на договорено место, а подоцна сфатила дека станува збор за измама.
Полицијата информира дека се преземаат мерки за расчистување на сите случаи.
Топ
Истрага за свирепо убиство во Челопек: Млад маж убил старица што живеела сама, се проверува и поврзаноста со слични злосторства
Јавен обвинител од Основното јавно обвинителство Куманово донесе Наредба за спроведување истражна постапка против едно лице за кое постои основано сомнение дека извршило убиство.
На точно неутврден датум во периодот од 27.01 до 12.02.2026 година, осомничениот 25-годишник во селото Челопек, општина Старо Нагоричане, со умисла на свиреп и подмолен начин ја лишил од живот жртвата, жена родена во 1947 година.
Ја искористил околноста дека оштетената живеела сама, била стара и немоќна. Кога влегол во нејзината куќа, таа спиела на креветот, па осомничениот физички ја нападнал, задавајќи и повеќе удари со кои и нанел тешки телесни повреди од кои жената починала.
Со интензивни координирани дејствија во изминатите неколку дена на ОЈО Куманово и истражниот центар во тоа обвинителство, МВР и екипите на Институтот за судска медицина обезбедени се докази кои укажуваат на поврзаност на овој настан со неколку други слични случаи во кумановско.
Заради сличности во однос на изборот на жртвата и суровиот начин на извршување на делото се испитува дали и во тие случаи станува збор за убиства извршени од истиот сторител. За една од потенцијалните жртви вчера беше наредена ексхумација и обдукција, од телото на починатата жена се подигнати траги и ДНК кои се вештачат.
Истражните органи работат на сложени вештачења и анализи, како и други дејствија за обезбедување докази, кои во моментов не можат да бидат споделени со јавноста поради тајноста на постапката.
Осомничениот од моментот на неговото откривање веднаш е лишен од слобода и обезбеден, а по предлог на јавниот обвинител му е одредена мерка притвор. Наредено е и психијатриско вештачење на осомничениот од страна на тим вешти лица – форензички психијатри од Институтот за психијатрија во Скопје.
Црна хроника
Едно лице загина во сообраќајна несреќа кај Кучевиште
Едно лице загина, а друго е повредено во сообраќајна несреќа што се случила вчера на локалниот пат с.Кучевиште- с.Кучевишка Бара.
Во несреќата учествувале патничко возило „форд фиеста“ со скопски регистарски ознаки, управувано од В.П.(65) од Скопје и патничко возило „фолксваген голф“ со скопски регистарски ознаки, управувано од Ж.С.(57) од с.Кучевиште, скопско.
На местото на несреќата починал возачот на патничкото возило „форд“ В.П., а лекар од Итната медицинска помош констатирал смрт.
Со телесни повреди се здобил возачот на патничкото возило „фолксваген голф“ Ж.С., констатирани во Комплекс клиники „Мајка Тереза“ во Скопје.
По наредба на јавен обвинител, телото на починатиот е предадено за обдукција, а извршен е увид од увидна екипа на СВР Скопје.
(Видео) Поскапувањата во јануари и февруари го „изедоа“ владиното покачување на минималната плата, ССМ пресмета 969 денари поскапа кошничка за февруари
Сојузот на синдикати на Македонија (ССМ) за месец февруари пресмета зголемување на вредноста на минималната потрошувачка кошничка за 969 денари,...
Искусните лекари ќе можат да работат до 70 години и да земаат пензија каде што има дефицит, предност за вработување ќе имаат најдобрите дипломци – подготвени законските измени
Министерството за здравство подготви повеќе значајни измени и дополнувања на Законот за здравствената заштита, кои неделава се објавени на Единствениот...
Истрага за свирепо убиство во Челопек: Млад маж убил старица што живеела сама, се проверува и поврзаноста со слични злосторства
Јавен обвинител од Основното јавно обвинителство Куманово донесе Наредба за спроведување истражна постапка против едно лице за кое постои основано...
(Фото) Германија донира техничка опрема и возила од 600.000 евра на МВР
Министерот за внатрешни работи, Панче Тошковски, денеска во кругот на Министерството за внатрешни работи присуствуваше на церемонија на примопредавање на...
Украински генерал: Можеме да се бориме уште со години
Олександр Пивненко, командант на Националната гарда на Украина, изјави дека Украина е способна да води војна уште неколку години и...
Ристоска со реакција на изјавата на Мицкоски дека таа не е во игра за нов државен јавен обвинител
Во врска со изјавата на премиерот, Христијан Мицкоски, дека Ленче Ристоска не е во игра за нов државен јавен обвинител, што...
Ако сѐ било по пропис, зошто Владата не ги објавува листите со патници во авионот, прашува СДСМ
Доколку користењето на владиниот авион од било целосно согласно законите и прописите, тогаш зошто Владата упорно одбива да ги објави...
Европските дипломати претпазливи во врска со подемот на Венс, оценуваат експертите
Европските сојузници внимателно го следат политичкиот подем на американскиот потпретседател Џеј Ди Венс, кого некои аналитичари го сметаат за поидеолошки...
Финскиот претседател: САД не можат да ни забранат да се бориме против Русија
Финскиот претседател, Александар Стаб, изјави дека САД не можат да ѝ наредат на Финска да се откаже од својата одбрана...
Принцот Ендрју е првиот член на британското кралско семејство уапсен по 400 години
Иако наводно бил омилен на неговата мајка, кралицата Елизабета II, поранешниот принц Ендрју долго време е извор на проблеми за...
(Видео) Трамп: Сакав да си го доделам Медалот на честа затоа што бев неверојатно храбар кога отидов во Ирак
Доналд Трамп рече дека сака да си го додели Конгресниот Медал на честа. 79-годишниот Трамп зборуваше на митинг во Ромео,...
По 100 дена мандат, Ѓорѓиевски порача: „Скопје повторно почна да дише“
Градоначалникот на Град Скопје, Орце Ѓорѓиевски, објави отчет за првите 100 дена од мандатот, наведувајќи дека ја презел функцијата во...
Донесени пресуди за случајот „Премин“, обвинителството најави жалба
Денеска, во Основниот кривичен суд Скопје, беше објавена неправосилна пресуда во предметот со кодно име „Премин“, застапуван од Специјализираното одделение...
Поранешен градоначалник на Росоман исплатил личен долг од 500.000 денари од општинскиот буџет
Полицијата поднесе кривична пријава против С.Н.(29) од Росоман поради постоење основи за сомнение дека сторил кривично дело „злоупотреба на службената...
Сиљановска – Давкова: Имаме најмало и најстаро владино авионче во регионот, секогаш имам дилема дали да летам со него
Претседателката, Гордана Сиљановска – Давкова, призна дека секогаш има дилема кога треба да се вози со владиниот авион затоа што...
Семејството на Мицкоски никогаш не го користело владиниот авион, ама затоа Заев бил со семејството на одмор во Амстердам, велат од ВМРО-ДПМНЕ
Семејството на премиерот Христијан Мицкоски никогаш не го користело владиниот авион. Но, очигледно е дека работи фројдовскиот елемент кај СДС,...
Кривични против претседатели и вработени во Здружението на инвалиди на трудот – Штип, си присвоиле над 300.000 денари
Полицијата поднесе кривични пријави против поранешни претседатели и вработени во Здружението на инвалиди на трудот – Штип за сторени продолжени...
Сопствениците на кучиња да го почитуваат законот и да ги микрочипираат милениците, апелира АХВ
Агенцијата за храна и ветеринарство (АХВ) апелира до сопствениците на домашни миленици – кучиња за исполнување на законската обврска за...
Николоски: Воведовме 23 нови линии во авиосообраќајот, имаме рекордна бројка на патници, а годинава очекувам да порасне над 4 милиони патници
Од изборот на Владата до денес имаме нови 23 директни летови, охридскиот и скопскиот аеродром поминаа 3,5 милиони патници, оваа...
(Видео) Зеленски: Десетици илјади Украинци загинаа за Донбас, не се работи за земјата, туку за луѓето
Претседателот Володимир Зеленски вчера повтори дека Украина нема да отстапи територија на Русија, ниту да се повлече од областите што...
