Скопската полиција до надлежното ОЈО Скопје поднесе кривична пријава против А.М. (15), А.Б. (16), Ф.И. (16) и Б.М. (16) сите од село Никиштани поради постоење основано сомневање дека на 19 овој месец во автобус на ЈСП бр. 64 извршиле кривично дело – “насилство“, при што без повод и причина физички нападнале и грубо малтретирале нивни врсник.

Кривичноправниот настан се случил околу 14,20 часот, во автобус на ЈСП бр. 64, кој се движел на релација Транспортен центар – с. Никиштани и  обратно. Во наведеното време на автобуска постојка во с. Волково, меѓу другите патници, се качило и едно  момче на 17 годишна возраст и седнало во долниот дел од автобусот, додека пријавените биле на горниот спрат од автобусот. После поминати две автобуски постојки, пријавените се симнале во долниот дел од автобусот и без никаков повод и причина физички го нападнале и грубо го малтретирале 17 годишното момче со што предизвикале чувство на  страв и несигурност кај другите патници.По пријавувањето на настанот, полициски службеници од одделението за малолетничка деликвенција и семејно насилство превзедоа опертивни мерки и активности, при што пријавените се пронајдени и повикани со родители за да дадат исказ. Во исказите сите, освен А.Б. негирале дека го сториле делото, по што е извршено препознавање од оштетениот и очевидците, кои со сигурност ги посочиле четворицата пријавени малометници, како сторители на кривичното дело “насилство“. /крај/