Црна хроника
Жена со секира избркала крадци од нејзиниот дом

Жителка на село Голема Црцорија, Крива Паланка, фатила на дело двајца крадци во нејзиниот дом, но за жал било доцна. Почнала да им се заканува со секира и да бара помош, по што крадците избегале со украдените две илјади евра.
Како што информира Министерството за внатрешни работи, В.И. (20) од Крива Паланка и Е.Џ. (20) од Штип на десетти овој месец, околу 20 часот насилно влегле во куќата на Љ.Д. во Голема Црцорија и откако ги исклучиле осигурувачите од струјата, извршиле тешка кражба на 1.200 евра и околу 50.000 денари.
Откако Љ.Д ги забележала, крадците се обиделе да извршат разбојништво над неа, но истата им се заканила со секира и почнала да бара помош при што двајцата избегале од куќата.
Во текот на истиот ден, по неколку часа, во село Крстов Дол истите крадци се обиделе да извршат тешка кражба во помошен објект-гаража сопственост на С.С., но откако не нашле ништо го напуштиле местото.
ПС Крива Паланка поднесе кривична пријава против В.И. и Е.Џ. од Штип поради сторени кривични дела „разбојништво” и „тешка кражба”. крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Вработени во „Комуналец“ фрлале отпад на дива депонија во Кичево

Вработени во ЈП „Комуналец“ фрлале отпад на дива депонија во Кичево. Случајот го пријавиле граѓани.
Полициски службеници, постапувајќи по пријава од граѓани во врска со работата на дивата депонија во кругот на поранешниот Керамички комбинат „Вранешница“ во Кичево, на разговор повикаа девет лицата вработени од ЈП „Комуналец“ од Кичево.
Истите биле затекнати како одлагаат отпад во дивата депонија, а на разговор дополнително бил повикан и директорот на ЈП„Комуналец“ а во врска со сомнение за сторено кривично дело „загрозување на животната средина и природата со отпадни материи“.
Известен е надлежен обвинител по чии што насоки се работи на целосно расчистување на случајот, соопшти МВР.
Црна хроника
Малолетници со нож избоделе маж, со тешки повреди пренесен во болница

На 06.06.2025 година во 01.00 часот Р.К. (55) од село Студеничани, скопско, пријавил дека претходниот ден околу 20.00 часот во близина на џамија во истото село, бил физички нападнат од две шеснаесетгодишни малолетни лица.
На нападот му претходела вербална закана по неговиот живот по што едниот малолетник извадил нож се затрчал кон пријавителот и го нападнал со ножот.
Од страна на доктор при ГОБ „Свети Наум Охридски“ кај Р.К. се констатирани тешки телесни повреди – убодни рани и истиот бил задржан на понатамоишно лекување.
Црна хроника
Разбојник со остар предмет нападнал малолетник во Аеродром

Разбојник нападнал малолетник на автобуска постојка во Аеродром.
Според информациите на МВР, вчера во СВР Скопје, И.П.(46) од село Љубин, скопско, пријавил дека околу 09.45 часот во близина на автобуска постојка на подрачјето на општина Аеродром, непознато лице го нападнал неговиот малолетен син и со употреба на физичка сила му побарало пари и личен накит, а потоа го нападнал со остар предмет, по што откако не зел ништо избегал.
Се преземаат мерки за расчистување на случајот.