Дилерот од Ченто, во чиј дом во вторникот вечер беа пронајдени 11 килограми марихуана, дрогата ја набавувал од Албанија и ја преработувал во хашишово масло кое е појако од марихуаната, соопшти во средата Министерството за внатрешни работи.

Дваесет ичетиригодишниот Д.Ј. во текот на минатата година од непознато лице од Албанија купил неутврдено количество марихуана, коешто, дел ја препакувал за улична продажба и ја продавал на зависници од Скопје, а дел во посебно направен сад ја преработувал во хашишово масло, кое како наркотична дрога е појака од марихуаната и предизвикува силна еуфорична состојба кај зависниците. Продажбата на дрогата, најчесто ја вршел од својот дом, како и со своето возило, разнесувајќи ја на претходно договорени места на подрачјето на градот.

Единицата за недозволена трговија со дрога, по добиеното сознание дека Д.Ј. и покрај тоа што во 2009 година е кривично пријавен за недозволена трговија со хероин, сé уште се занимава со недозволена трговија, вчера (18. 03.), со наредба од судија на претходна постапка, извршила претрес во неговиот дом каде што се пронајдени и одземени

околу 11 килограми марихуана и 12 шишиња од по 1,2 литри хашишово масло, две ваги и еден сад за дестилација.

Целокупниот пронајден материјал од извршениот претрес е одземен и предаден за вештачење, а против Д.Ј. е поднесена кривична пријава поради основано сомневање дека сторил кривично дело „неовластено производство и пуштање во промет наркотични дроги, психотропни супстанци и прекурсори”./крај/мф/сд