Црна хроника
Алкохолот не е причина за несреќата во која загина Милошевски

Досегашниот тек на истрагата за сообраќајната несреќа во која загина директорот на Фудбалската федерација на Македонија, Петар Милошевски, покажа дека ниту еден од возачите не биле под дејство на алкохол, пишува Утрински весник.
„Досегашниот тек на истрагата, како што дознава Утрински весник, потврдила дека ниту претседателот на ФФМ, Илчо Ѓорѓиоски, кој го управувал службеното возило ‘пежо 508’,ниту возачот на џипот не биле под дејство на алкохол кога се случила сообраќајната несреќа кај Куманово. Обвинителството во Куманово ги очекува видеоснимките од безбедносните камери кои ја покриваат делницата од патот Крива Паланка-Куманово, но и снимките од камерите што се инсталирани на околните стопански објекти. Во тек се и детални прегледи и вештачења на возилата, за да се утврдат причините поради кои дошло до судирот на двете возила”, пишува Утрински.
Истрагата ја води кумановското обвинителство, а јавниот обвинител Сузана Кусиѓарска вели дека случајот има итен третман и дека му се приоѓа внимателно.
Таа потврдува дека нема други очевидци на незгодата од минатиот четврток, а поради карактерот на повредите сé уште не се распрашани ниту сопатниците во возилото на ФФМ и возачот на другото возило./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанец со автомобил удрил во бетонски ѕид и билборд, тешко повреден малолетник

Вчера околу 16.30 часот во СВР Скопје било пријавено дека на бул.„Македонско – косовска бригада“ во Скопје, патничко возило „бмв“ со скопски регистарски ознаки, управувано од А.К.(32) од Скопје, удрило во рекламно пано и бетонски ѕид.
Во несреќата со тешки телесни повреди се здобил малолетен сопатник во возилото, додека со телесни повреди се здобиле возачот, уште еден малолетен сопатник и сопатникот С.С.(25), сите од Скопје, констатирани во Комплекс клиники „Мајка Тереза“ во Скопје.
Извршен бил увид од увидна екипа од СВР Скопје, а по наредба на јавен обвинител возачот А.К. бил лишен од слобода и против него ќе биде поднесена пријава.
Црна хроника
Уапсен 24-годишник од Тетовско: возел со 162 км/час на место каде е дозволено 80 км/час

Вчера во 17.43 часот на автопат Тетово – Гостивар, полициски службеници од Полициската станица за безбедност на патниот сообраќај Тетово го лишиле од слобода 24-годишниот В.М. од село Пирок, тетовско.
При сообраќајна контрола и преземени мерки и активности, полициските службеници констатирале дека В.М. управувал патничко возило „фолксваген голф“ со тетовски регистерски ознаки со брзина од 162 километри на час на место каде што максималната дозволена брзина е 80 километри на час.
Лицето е пиведено во полициска станица и по целосно документирање на случајот против него ќе биде поднесена пријава по член 297 – а од Кривичниот законик – „безобѕирно управувањена моторно возило“.
Црна хроника
На тераса во Кочани украден паричник од 90-годишен маж

90-годишник од Кочани синоќа пријавил кражба што се случила околу 21:30 часот на терасата од неговата семејна куќа.
Според пријавата во ОВР Кочани, едно лице му го одзело паричникот во кој имало пари и лични документи.
Полицијата презема мерки за расчистување на случајот.