Црна хроника
Земал капар од 2.200 евра за туѓ имот

Скопјанец зел капар од 2.200 евра за туѓо земјиште во Визбегово, соопшти Министерството за внатрешни работи.
Четириесет ипетгодишниот Р.П. на лице од Скопје му понудил на продажба земјиште во село Визбегово, прикажувајќи му оригинален Имотен лист на име на сопственичката на земјиштето, а воедно лажно претставувајќи се како нејзин син кој наводно е ополномоштен да изврши продажба на недвижноста.
Оштетениот на Р.П. му исплатил капар од 2.200 евра при што потпишале изјава на нотар и се договориле наредниот ден да се сретнат и Р.П. да го донесе полномошното за да го склучат договорот. Но, при обидите на оштетениот да го добие на телефонските броеви кои претходно му биле дадени за контакт, Р.П. повеќе не се јавувал.
СВР Скопје поднесе кривична пријава против Р.П. поради постоење на основано сомнение дека сторил кривичнo делo „измама”.
Пријавениот е веќе познат на полицијата и против него се поднесени седум кривични пријави, за сторени седум кривични дела од имотните деликти, за кои од надлежен суд му се изречени шест казни затвор од кои една е условна осуда.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Маж ја тепал бремената сопруга: јa притискал за вратот и ја удирал главата од креветот

Јавен обвинител од Основното јавно обвинителство Скопје поведе постапка против државјанин на Република Хрватска, кој е осомничен за кривично дело – Телесна повреда од член 130 став 2 во врска со став 1 од Кривичниот законик.
При вршење семејно насилство во домот во Скопје тој телесно ја повредил неговата сопруга. Најпрво почнал да и се обраќа на висок тон, а потоа физички ја нападнал удирајќи ја со тупаници и шлаканици по главата и телото. Потоа продолжил силно да ја притиска за вратот, иако знаел дека е во петтиот месец од бременост. Во еден момент ја зграбил и насилно ја фрлил во креветот, по што и ја удирал главата од ивицата на креветот. Престанал кога оштетената започнала да крвари, по што жртвата успеала да се засолни во тоалетот и да повика полиција и брза помош.
Осомничениот слушнал дека повикува помош, по што го напуштил станот. Кај оштетената била констатирани бројни повреди на главата, но и на плацентата во која е сместен плодот.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Црна хроника
Тешко повреден 15-годишник од Канада: со мопед удрил во лисица во Охридско и паднал

Денеска (29.08.2025) околу 03:30 часот во СВР Охрид e пријавено дека на ул.„Радојца Новичиќ“ во Охрид, 15-годишен малолетник од Канада, a со престој во с.Долно Лакочереј, охридско, управувајќи мопед „априлија“ со охридски регистарски ознаки, удрил во лисица и паднал на коловозот.
Во несреќата со тешки телесни повреди се здобил малолетниот возач, констатирани во Специјалната болница „Св.Еразмо“ во Охрид.
Извршен бил увид од увидна екипа од СВР Охрид.
Црна хроника
Пушка, пиштол и куршуми пронајдени во напуштен објект во Чаир

Вчера во 15:54 часот во СВР Скопје, Б.Ѓ. пријави дека на подрачјето на Чаир, во помошен објект на напуштена куќа на нејзината мајка, пронашла автоматска пушка, соопшти полицијата.
Според пријавеното, таа го повикала соседот за да проверат што има друго внатре во помошниот објект, при што дошол синот на соседот, ја турнал Б.Ѓ., ја зел пушката и избегал.
По извршен претрес и дополнителни проверки од страна на полициски службеници, во објектот се пронајдени уште една пушка, пиштол и куршуми.
Се преземаат мерки за расчистување на случајот.