Билтенот од саботата на Министерството за внатрешни работи за изминатите 24 часа, за среќа е оскуден, и притоа се забележани откривање на неексплодирана граната во скопско, како и каменување на автобус, а во Берово е запален приватен автомобил на пехчевец.

Во петокот на падините на скопска Црна Гора, кај скопското село Булачани локален жител обработувајќи ја својата нива пронашол неексплодирана граната од Втората светска војна, а увидот на лице место извршила увидна екипа од СВР Скопје.

Во раните утрински часови во саботата во Берово, на улицата .„Илинденска” било пронајдено опожарено патничко моторно возило „лада” со штипски регистарски ознаки, во сопственост на 35-годишен жител на Пехчево идентификувано со иницијалите Г.П. Засега нема детални информации дали станува збор за подметнат пожар, но полицијата соопшти дека презема мерки за целосно расчистување на случајот.

Во Тетово, пак, на улицата .„Иво Лола Рибар” при интервенција на полициски службеници по претходна пријава за нарушен јавен рад, при обид за легитимирање на 54-годишниот Д.Е.(54), кој бил видно под дејство на алкохол, почнал да ги навредува и да им се заканува, а при преземањето на мерки за негово приведување, почнал да дава активен отпор и физички да ги напаѓа. Во попречувањето на полициските службеници се приклучил и неговиот 21-годишен син Ќ.Е.. По целосното расчистување на случајот, против сторителите ќе биде поднесена соодветна пријава.

Скопјанец жител на улицата „Радишанска”, си ја повредил снаата за брат удирајќи ја со камен во главата.

Возач на автобус на скопското Јавно сообраќајно претпријатие ноќта кон саботата пријавил дека непознати лица го каменувале автобусот број 55 што тој го управувал на релацијата од селото Арачиново до Транспортен центар – Скопје. За среќа нема повредени, а оштетено е задното лево стакло. Учесниците во каменувањето што се случило во селото Арачиново, избегале во непознат правец, а полицијата во саботата преземаше мерки да го идентификува./крај/мф/сн