Црна хроника
Спречен шверц на 13 килограми марихуана

Во рамките на акцијата „Април” која се спроведува од страна на Сектор за контрола и истраги при Царинската управа на Република Македонија, а која има за цел откривање на дрога и друга криумчарена стока, царинските инспектори од Одделението за оперативни работи-мобилни тимови, во саботата на граничен премин Табановце спречија шверц на 13 килограми високо квалитетна марихуана.
Имено, на 19 април 2014 година, околу 14:00 часот на граничниот премин Табановце автопат за излез од Република Македонија се пријави патничко моторно возило марка Цитроен Ксара Пикасо со албански регистарски ознаки, управувано од албански државјанин со иницијали Ф.К.(22). Во возилото како сопатник било присутно уште едно лице А.Л.(22), исто така албански државјанин.
При контрола на лицата и возилото, инспекторите од Одделението за оперативни работи забележале дека дел од каросеријата е свежо бојадисан, китиран и видно изменет, а при отстранување на китираното место се појавила специјално направена плочка. Со отстранување на металната плочка се гледа специјално направен бункер во кој се пронајдени 15 (петнаесет) пакетчиња обвиткани со селотејп трака премачкани со црна мрсна материја и наполнети со непозната тревкаста материја.
Во понатамошен преглед на возилото, под десното совозачко седиште, по отстранување на теписонот и пластичната преграда пронајдени се уште 11 (единаесет) исто такви пакетчиња, обвиткани со селотејп трака премачкани со црна мрсна материја. При извршено теститање со тестер “NIK” утврдено е дека сите 26 пакетчиња, со тежина од 13 килограми се наполнети со марихуана.
По спроведените предистражни мерки, царинските инспектори утврдија дека Ф.К. и А.Л., биле ангажирани од страна на лице, државјанин на Република Албанија, за сума од 3.000 евра со возилото да ја пренесат дрогата преку Македонија, Србија, Унгарија и Австрија, до Хамбург – Германија, каде истата требало да биде превземена. Осомничените го превзеле веќе подготвеното возило од лицето кое ги најмило да ја пренесат дрогата и со истото се упатиле кон Германија преку Р.Македонија каде на Граничниот премин Табановце биле откриени.
Запленетата марихуана, на западно европскиот наркопазар, при продажба на големо има вредност од околу 40.000 евра, а доколку би се продавала на помали количини, цената би била неколкукратно повисока.
Царинската управа на Република Македонија против осомничените поднесе кривична пријава до надлежното Основно јавно обвинителство, поради постоење на основано сомнение дека сториле кривично дело „Неовластено производство и пуштање во промет на наркотични дроги, психотропни супстанции и прекурсори”./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Во координирана акција запленети 283 килограми шверцуван тутун

Во координирана акција помеѓу РЦ за ГР Југ – ОПКМСР, ПС за ГН Михајлово, ОВР Неготино – НК за КР, Оддел за криминалистичка полиција при БЈБ и СВР Скопје, вчера (27.04.) во Неготино беа откриени и запленети 283 килограми тутун, спакуван во пакувања од по 450 грами, и притоа приведени се три лица осомничени за кривично дело по член 278 – б „Прикривање на стоки кои се предмет на криумчарење и царинска измама“ и по член 279 – б „Избегнување на плаќање на Акциза“ согласно КЗ на РСМ.
Имено вчера околу 07,30 часот од страна на полициски службеници од ПС за ГН Михајлово на Автопатот Градско-Неготино во близина на Црвени Брегови биле забележани две патнички моторни возила со скопски регистарски таблички, ,,Шкода Октавија“ и „Ауди А6“ кои што напоредно се движеле по патот. На знак „стоп“ возилото „Шкода октавија“ не запрело ја зголемило брзината и се упатило кон Неготино, но набргу од страна на полициски службеници било сопрено во градот. Од извршениот преглед на возилото управувано од лицето С.Ф. (30) од село Љуботен, скопско, било констатирано дека возилото е натоварено со 29 црни вреќи во кои имало жолти пакувања од 450 грама тутун (вкупно 283 килограм) без никаква документација за потеклото, со што е причинета материјана штета на буџетот во вреднос од 2.704.340,05 денари. По насоки на надлежен ЈО набргу се приведени и двете лица кои што биле во патничкото возило „Ауди А6“, Р.Ф. (37) од село Љуботен скопско и возачот на истото С.А.(41) од Скопје.
На лице место извршен е увид од страна на инспектори од ОПКМСР при РЦ за ГР Југ и НК за КР при ОВР Неготино. По целокупното документирање на случајот, против осомничените ќе биде поднесена соодветна пријава.
Црна хроника
Возило на АРМ исчезна од автосервис во Гази Баба

Возило во сопственост на АРМ, оставено на сервисирање во Гази Баба било украдено во текот на ноќта.
Случајот во МВР го пријавил сопственикот на автосервисот.
Се работи за товарно возило „ивеко дејли–фургон“, сопственост на македонската Армија. Украдени биле и регистарски таблички од патничко возило „мазда“ кое било оставено на сервис.
Од МВР велат дека се преземаат мерки за расчистување на случајот.
Црна хроника
14-годишно девојче нападнато од врснички во Аеродром

К.П.(41) од Скопје пријавила дека на 26 април во 20.00 часот на подрачјето на општина Аеродром, нејзината 14-годишна ќерка била физички нападната од две малолетнички, кои ги познавала.
Се преземаат мерки за расчистување на случајот.