Црна хроника
Навивачи упаднаа на терен на натпреварот Металург-Вардар

Поголема група навивачи недозволено излегоа на терен за време на натпреварот меѓу ракометните клубови Металург и Вардар што се одигра во четврток вечер во спортската сала Автокоманда.
Како што информира Министерството за внатрешни работи, при крајот на првото полувреме од вчерашниот натпревар помеѓу екипите на РК Металург и РК Вардар, поголема група од навивачката група ‘Пирати’ го нарушиле јавниот ред и мир со недозволено влегување на спортски терен.
Во инцидентот е приведен Н.Г.(28) од Скопје на кого му е издаден платен налог од Законот за спречување на насилството и недоличното однесување на спортските натпревари.
СВР Скопје презема мерки за идентификување на другите лица кои го нарушиле јавниот ред и мир.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тешка сообраќајна несреќа во Струшко: повредени се неколку лица

Вчера околу 16:10 часот во ОВР Струга е пријавено дека на локалниот пат за село Подгорци, струшко, на место викано „Орешки“, се случила сообраќајна несреќа помеѓу патничко возило „цитроен берлинго“ со струшки регистарски ознаки, управувано од А.О.(45) од с.Подгорци, струшко и патничко возило „цитрен саксо“ со струшки регистарски ознаки, управувано од А.Д.(41) од с.Подгорци, струшко.
Во несреќата со тешки телесни повреди се здобил возачот на патничкото возило „цитроен саксо“, А.Д. и неговите сопатници Б.Р.(36) и М.М.(43), како и сопатникот од патничкото возило „цитроен берлинго“, М.О.(48) сите од село Подгорци, додека со телесни повреди се здобил возачот А.О., констатирани во Медицински центар Струга, Специјалната болница „Св.Еразмо“ Охрид и Комплекс клиники „Мајка Тереза“ Скопје.
Извршен е увид од јавен обвинител и увидна екипа на ОВР Струга.
Црна хроника
Возел пијан и предизвикал сообраќајка: уапсен 30-годишник од Крива Паланка

Вчера во 16:24 часот во село Гиновце, општина Ранковце, полициски службеници од ОВР Крива Паланка го лишија од слобода 30-годишниот С.В. од Крива Паланка.
Претходно, тој со возило „форд“ со кривопаланечки регистарски ознаки, кое го управувал, удрил во бетонски столб пред угостителски објект во селото. При преземање мерки во врска со незгодата, полициските службеници констатирале дека С.В. е под дејство на алкохол, односно измерени му се 1,93 промили алкохол.
По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.
Црна хроника
Уапсен кавадарчанец, возел пијан и престигнал колона возила кои чекале на црвено светло на семафор

Вчера во 15:30 часот на улица „Илинденска“ во Кавадарци, полициски службеници од ОВР Кавадарци го лишија од слобода 48-годишниот П.К. од Кавадарци.
При преземање мерки по сторен сообраќаен прекршок, односно откако тој со патничко возило „рено“ со кавадаречки регистарски ознаки престигнал седум возила кои биле застанати на црвено светло на семафор, утврдено е дека го управувал возилото под дејство на алкохол, односно измерени му се 2,02 промили алкохол во крвта.
Тој е задржан во полициска станица, известен е јавен обвинител и по документирање на настанот против него ќе биде поднесена пријава по член 297-а од Кривичниот законик – „безобѕирно управување со моторно возило“.