Црна хроника
Пожар во битолскиот Монмартр

Во пожар што избувна во среда изутрина изгоре првиот кат од зградата на Детското ликовно студио „Св. Кирил и Методиј“ во старата чаршија во Битола.
Пожарот избувнал околу 6 часот и 30 минути, а огнот го зафатил првиот кат од зградата на ликовното студио. Брзата интервенција на противпожарните екипи спречиле ширење на пожарот на вториот и третиот кат и за среќа не е предизвикана голема материјална штета.
Причините за пожарот сé уште се утврдуваат.
Во пожарот изгореа слики што за два дена требаше да патуваат на 32-рата Светска ликовна изложба.
Најзначајниот дел од историјата на ликовното воспитување во Битола се отстапува на Детското ликовно студио „Св. Кирил и Методиј”, формирано во 1981 година. Најголем успех на студиото претставува организирањето на Меѓународната детска ликовна колонија, позната како Мал битолски Монмартр која успешно опстојува веќе 30-тина години. крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.