Црна хроника
Делчевец ја уценувал поранешната девојка дека ќе објави порнографско видео ако не му даде 300 евра

Дваесет идвегодишен делчевец ја уценувал поранешната девојка дека ќе објави нивни порнографски видеа и фотографии доколку не му даде 300 евра, соопшти Министерството за внатрешни работи.
К.А. од Делчево повеќе пати и се заканувал на неговата поранешна девојка дека ќе објави видео клип кој бил снимен додека биле во љубовна врска и фотографии со непристојна порнографска содржина доколку не ја продолжи љубовната врска со него.
Откако оштетената го одбила во јануари годинава, прво и побарал 100 евра, а потоа ја зголемил сумата и побарал 300 евра со цел да не ги објави клипот и фотографиите кои ги поседувал.
На 18-ти јануари откако оштетената претходно го пријавила случајот во полиција и каде шест банкноти во апоени од по 50 евра биле криминалистичко технички обработени отишла пред куќата каде ја пречекал К.А. давајќи му ги банкнотите.
ПС Делчево поднесе кривична пријава против К.А. поради основано сомнение дека сторил кривично дело „уцена”.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична за полицаец од Скопско: возел со 1,65 промили алкохол во крвта, на полна линија му го пресекол патот на друг возач

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство Скопје, поднесе кривична пријава против Л.Д.(26) од с.Зелениково, скопско, поради постоење основи на сомнение за сторено кривично дело „безобѕирно управување со моторно возило“ по член 297-а од Кривичниот законик.
Пријавениот Л.Д.- полициски службеник во Сектор за известување и координација на состојби во МВР, на 21.04.2025 на подрачје на Кисела Вода во Скопје, пријавениот управувал возило со 1,65 промили алкохол во крвта и поминувајќи на полна линија го пресекол патот на друго патничко возило и на тој начин ја загрозил личната и безбедноста на возачот и патниците од другото возило. А откако запреле тој упатувал закани на другиот возач и удирал по неговотот возило.
Одделот за внатрешна контрола, криминалистички истраги и професионални стандарди против полицискиот службеник Л.Д. поднесе предлог за поведување на постапка за утврдување на одговорност за кршење на работната дисциплина.
Црна хроника
Тешко повреден велосипедист од Штип: во него удрил мопед и побегнал

Ноќеска околу 20.00 часот во СВР Штип било пријавено дека на магистралниот пат Радовиш-Штип се случила сообраќајна несреќа помеѓу велосипед управуван од Д.Т.(40) од Штип и мопед, по што возачот со мопедот го напуштил местото на настанот.
Со тешки телесни повреди се здобил велосипедистот, констатирани во Клиничката болница Штип.
Извршен бил увид од увидна екипа од СВР Штип и се преземаат мерки за расчистување на случајот.
Црна хроника
Прегазена 68-годишна жена од Скопје

Во СВР Скопје синоќа околу 19.15 часот било пријавено дека на ул.„Лука Геров“ во Скопје, патничко возило „ауди“ со скопски регистарски ознаки, управувано од В.Б.(70) од Скопје, удрило во пешакот М.С.(68) од с.Волково, скопско.
Во несреќата со тешки телесни повреди се здобила М.С., констатирани во Градската општа болница „Св.Наум Охридски“.
Извршен бил увид од увидна екипа од СВР Скопје.