Полицијата заплени 168 грама марихуана и приведе четири лица во Скопје, во рамки на акцијата „Мрежа“ за борба против уличните дилери и криминални групи инволвирани во недозволена трговија со дрога.

Во понеделникот, на 26-ти мај, бил извршен претрес на П.С. (26) кај кого биле пронајдени 20.900 денари кои ги заработил со продажба на дрога на лицето Т.Д. По извршен претрес во домот на Т.Д. пронајдени се две помали пакувања со марихуана со нето маса од 61,7 грама и дигиталната вага.

Претходно на 14 овој месец Т.Д. (24) извршил продажба на марихуана на лицето П.А. (23) по цена од 6.000 денари заради натамошна препродажба, при што по добиена нареба од страна на Судија на претходна постапка полициски службеници извршија претрес на П.А. кај кого е пронајдена и одземена растителна материја-марихуана. Исто така кај истото лице извршен е претрес и во неговиот дом при што во кутија од цигари марка Родео пронајдени се три најлонски паковки и една хартиена паковка со наркотична дрога марихуана со вкупна нето маса од 94,84 грама и 1,14 грама амфетамин. Во врска со овој случај извршен е и претрес и кај лицето Р.К. (34) пријателка на Т.Д. кај која истиот криел дел од наркотичната дрога која била наменета за улична продажба, при што пронајдени се три зипер пакувања со марихуана во количин од околу 12,03 грама и две џоинт цигари.

Инаку во досегашните активности во рамки на акцијата „Мрежа”, уапсени се околу 70 сторители, а запленети се над 460 килограми различни видови дрога.

Против лицата П.С. (26), Т.Д.(24), П.А. (23) и Р.К. (34) е поднесена кривична пријава поради постоење на основано сомнение дека сториле кривично дело „неовластено производство и пуштање во промет наркотични дроги, психотропни супстанции и прекурсори”.крај/мф/сд