Седум лица се обвинети за кражбите на артефакти со непроценлива вредност во Музејот на Македонија што беа откриени во ноември, минатата година.

Со обвинителниот акт поднесен до Основниот суд Скопје 1 седум лица се обвинети за сторени кривични дела: „Отуѓување на културно наследство од особено значење во државна сопственост”, „Несовесно работење во службата” и „Злоупотреба на службената положба и овластување”.

Како што соопшти Основниот Суд Скопје 1 во средата, обвинителниот акт е доставен на разгледување кај Совет за оценка на обвинителен акт при овој суд. На предлог на Јавното обвинителство, Кривичниот совет при Основен суд Скопје 1, донесе решение според кое притворот на обвинетите се продолжува за 30 дена.

По оценувањето на обвинителниот акт, доколку биде одобрен, предметот ќе биде распределен кај судечки совет кој ќе закаже главна расправа.

Меѓу обвинетите за кражбите во Музејот се и сегашниот директор и работени во Музејот и еден златар. Меѓу нив не е поранешниот директор на Управата за заштита на културното наследство, Паско Кузман, кој беше осомничен, а на кого во моментот му се суди во процесот “Фаланга”.

Кражбата на артефакти од депото на Музејот на Македонија беше откриена во ноември минатата година, а МВР утврди дека недостасуваат околу 160 артефакти со непроценлива вредност.крај/мф/сд