Црна хроника
Финската полиција во подрум открила пет фетуси во распаѓање

Финската полиција открила остатоци од пет мртвороденчиња во распаѓање во подрум од стан во градот Оулу во северниот дел на земјата, по што ја уапсила станарката под сомневања за убиство, соопштија во средата локалните власти.
Полицијата, исто така, ја истражува содржината на пакети кои во подрумот од зградата во вторникот ги пронашле работници вработени на нејзиното одржување. Станарката изјавил пред полицијата дека во нив се тела ма мртвороденчиња кои ги родила во својот дом пред пет до десет години. Станува збор за мажена жена која има деца, пренесува Reuters повикувајќи се на соопштението на полицијата.
Полицискиот инспектор Сепо Леинонен изјавил дека полицијата ја уапсила жената, и појаснил дека „истрагата се води како убиство, имајќи го предвид фактот дека фетусите биле доволно развиени што во нормални услови би го преживеале породувањето’, изјавил Леинонен за Reuters. Инспекторот, меѓутоа, одбил да даде поединости за уапсената жена или за нејзиното семејство коешто во зградата се доселило пред неколку месеци. Полицијата се сомнева дека телата на мртвороденчињата ги донела со себе од претходниот стан.
Работниците на службата за одржување на зградата ја известиле полицијата дека од кутиите во подрумот се шири неснослива реа. Леинонен рекол дека нема причина да се верува дека кој и да де друг освен уапсената 35-годишна жена знаел за сокриените тела./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Со мопед удрил во 13-годишен пешак и побегнал

Синоќа околу 21:10 часот во СВР Куманово, е пријавено дека на регионалниот пат с.Лојане-Граничен премин Миратовац, кај с.Лојане, општина Липково, мопед удрил во 13-годишник од с.Лојане, општина Липково по што возачот со мопедот го напуштил местото на настанот.
Во несреќата со тешки телесни повреди се здобил малолетникот, констатирани во Општата болница Куманово.
Извршен бил увид од увидна екипа од СВР Куманово и се преземаат мерки за пронаоѓање на возачот на мопедот.
Топ
21-годишно момче загина а две лица се тешко повредени во сообраќајка кај Градско

Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко возило „бмв“ со велешки регистарски ознаки управувано од П.А.(22) од Градско, излетало надвор од коловозот.
Во несреќата со тешки телесни повреди се здобиле возачот и неговите сопатници Љ.О.(21), Б.П.(20) сите од Градско и Х.Л.(22) од с.Ногаевци, општина Градско, констатирани во Општата болница Велес.
Од здобиените повреди починал Љ.О., а од страна на лекар констатирана била смрт. По наредба на Јавен обвинител, телото на починатиот е предадено за обдукција.
Извршен бил увид од увидна екипа од СВР Велес.
Црна хроника
Маж од Австралија пронајден починат во хотелска соба во Битола

На 27.08.2025 во СВР Битола, било пријавено дека во хотелска соба во Битола бил пронајден починат С.С.(69) од Австралија.
Од страна на лекар од Итната медицинска помош констатирана била смрт без видливи траги на насилство.
Извршен бил увид од увидна екипа од СВР Битола, а по наредба на Јавен обвинител телото на починатиот било предадено за обдукција.