Црна хроника
Во Грција запленет уште тон хероин, 14 уапсени

Околу тон хероин е запленето во магацин во близина на грчката престолнина Атина, и притоа 14 лица се уапсени, меѓу кои се десет членови од екипажот на еден танкер, објави во неделата грчката пристанишна полиција.
Околу тон хероин е запленето во магацин во близина на грчката престолнина Атина, и притоа 14 лица се уапсени, меѓу кои се десет членови од екипажот на еден танкер, објави во неделата грчката пристанишна полиција.
Според првичните информации, 986,6 килограми хероин се откриени од танкерот „Noor1“, кој пловел под знаме на Того, а припаѓа на грчка поморска компанија чиешто име полицијата не го соопштува.
Бродот е запленет, а меѓу 14-те уапсени тројца се Грци, вклучително и одговорното лице од компанијата сопственик на танкерот.
Дрогата запленета во Коропиа, предградие на 40 километри од Атина, каде пред една седмица во градски магацин беа запленети 1.133 килограми хероин. Во овој случај атинската полиција уапси 11 луѓе.
Во првиот случај хероин требало со камион да биде разнесуван низ Грција и Европа. Меѓу уапсените се бродосопственик кој поседува неколку танкери во Дубаи, неговиот син и пет турски државјани, објавија полициски извори./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична за полицаец од Скопско: возел со 1,65 промили алкохол во крвта, на полна линија му го пресекол патот на друг возач

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство Скопје, поднесе кривична пријава против Л.Д.(26) од с.Зелениково, скопско, поради постоење основи на сомнение за сторено кривично дело „безобѕирно управување со моторно возило“ по член 297-а од Кривичниот законик.
Пријавениот Л.Д.- полициски службеник во Сектор за известување и координација на состојби во МВР, на 21.04.2025 на подрачје на Кисела Вода во Скопје, пријавениот управувал возило со 1,65 промили алкохол во крвта и поминувајќи на полна линија го пресекол патот на друго патничко возило и на тој начин ја загрозил личната и безбедноста на возачот и патниците од другото возило. А откако запреле тој упатувал закани на другиот возач и удирал по неговотот возило.
Одделот за внатрешна контрола, криминалистички истраги и професионални стандарди против полицискиот службеник Л.Д. поднесе предлог за поведување на постапка за утврдување на одговорност за кршење на работната дисциплина.
Црна хроника
Тешко повреден велосипедист од Штип: во него удрил мопед и побегнал

Ноќеска околу 20.00 часот во СВР Штип било пријавено дека на магистралниот пат Радовиш-Штип се случила сообраќајна несреќа помеѓу велосипед управуван од Д.Т.(40) од Штип и мопед, по што возачот со мопедот го напуштил местото на настанот.
Со тешки телесни повреди се здобил велосипедистот, констатирани во Клиничката болница Штип.
Извршен бил увид од увидна екипа од СВР Штип и се преземаат мерки за расчистување на случајот.
Црна хроника
Прегазена 68-годишна жена од Скопје

Во СВР Скопје синоќа околу 19.15 часот било пријавено дека на ул.„Лука Геров“ во Скопје, патничко возило „ауди“ со скопски регистарски ознаки, управувано од В.Б.(70) од Скопје, удрило во пешакот М.С.(68) од с.Волково, скопско.
Во несреќата со тешки телесни повреди се здобила М.С., констатирани во Градската општа болница „Св.Наум Охридски“.
Извршен бил увид од увидна екипа од СВР Скопје.