Црна хроника
Автомобил удри во петгодишно девојче во Тетово
Петгодишно девојче од Тетово е потешко повредено откако во него удрил автомобил во саботата.
Како што информира полицијата, несреќата се случила на ул. „Илинденска“ во близина на Шарената џамија во Тетово, вчера околу 14 часот. Во девојчето удрил автомобил марка „голф“ што го управувал Б.К. (45) од Мала Речица, тетовско.
Повреденото дете било префрлено во тетовската болница од каде што било пренесено на клиника во Скопје. Девојчето се здобило со фрактура на потколеницата.
Екипа на СВР Тетово извршила увид на местото на инцидентот и работи на расветлување на причините за сообраќајката.
Оваа недела ова е втор ваков сличај. Во четвртокот во скопско Сарај автомобил удри во деветгодишно дете кое се здоби со тешки телесни повреди.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.