Црна хроника
Детали за синоќешниот инцидент во ГОБ „8-ми Септември“

Починатото лице поради коешто во петокот вечерта поголема група негови пријатели и роднини го демолираа влезот во Ургентниот центар на Градската општа болница во Скопје „8-ми Септември“, најверојатно доживеало срцев удар во петокот околу 18 часот и откако со брза помош бил донесен во болницата и покрај 40-минутниот обид на двајца лекари специјалисти и анестезиолог да го реанимираат пациентот, кај него немало дишење ниту срцева реакција, па медицинската екипа констатирала смрт.
Според неофицијалните информации, починатиот чиј идентитет досега не го соопшти ниту болницата ниту министерството за внатрешни работи, бил на возраст од околу 40-години и заедно со поголемо друштво бил во локал на Бит пазар, каде му се слошило и најверојатно доживеал инфаркт. Била повикана Брза помош која за кратко време го префрлила во Градската општа болница „8-ми Септември”, каде по обидот за реанимација дежурните лекари констатирале смрт.
Поголема група од пријателите на пациентот, според изјавата на директорот на болницата д-р Сашо Стојчев, дежурните лекари проценуваат дека станува збор за околу триесетина лица, од кафеаната исто така се упатиле кон болницата, а кога биле известени дека нивниот познаник починал, го истуриле својот гнев врз инвентарот во болницата, но медицински персонал не бил нападнат.
Предизвикана е поголема материјална штета а, исто така, пријателите насилно со себе го земале и телото на починатиот и заминале во непознат правец со возило без регистарски таблички.
Подоцна од болницата е контактирано со семејството на починатиот и успеале да се договорат да ги потпишат документите со кои и формално потврдуваат дека бараа ат на телото да не се врши обдукција, бидејќи според практиката, доколку семејството не побара поинаку, се право медицинска обдукција врз телото на секој пациент кој ќе почине во болница за да се утврди причината за смртта.
Екипа на МВР направила увид во ГОБ „8-ми Септември“ и во собата за реанимација каде дел од толпата влегла./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
„Бе-ем-ве“ излета од патот во Делчево: тешко повредни возачот и двајца малолетници

Вчера во 19.51 часот во ОВР Делчево било пријавено дека на ул.„Индустриска“ во Делчево, патничко возило „бмв“ со бугарски национални ознаки, управувано од М.П.(38) од Делчево, излетало надвор од коловозот.
Во несреќата со тешки телесни повреди се здобиле возачот и двајца малолетни сопатници, констатирани во Клиничката болница Штип.
Извршен бил увид од увидна екипа од ОВР Делчево.
Црна хроника
Со „мерцедес“ прегазил малолетници во скопско Миладиновци

Ноќеска околу 21.15 часот во СВР Скопје било пријавено дека на ул.„10“ во с.Миладиновци, скопско, патничко возило „мерцедес“ со скопски регистарски ознаки, управувано од Д.Ј.(21) од с.Миладиновци, удрило во двајца малолетници од истото село.
Во несреќата со тешки телесни повреди се здобил 14-годишeн малолетник, а со телесни повреди се здобил 12-годишeн малолетник, констатирани во Комплексот клиники „Мајка Тереза“.
Возилото било одземено, а увид извршила увидна екипа од СВР Скопје. Во координација со јавен обвинител, против Д.Ј. ќе биде поднесена соодветна пријава.
Црна хроника
Прегазен пешак во Охрид, возачот побегнал

Синоќа во 22.40 часот во СВР Охрид е пријавено дека на улицата „Гоце Делчев“ во Охрид, патнички автомобил удрил во пешакот Е.С.(59) од Охрид и го напуштил местото.
Пешакот е пренесен во болницата „Св.Еразмо“ во Охрид каде му биле констатирани тешки телесни повреди. По преземените мерки, полициски службеници од Полициската станица за безбедност во патниот сообраќај Охрид, констатирале дека се работи за патничко моторно возило „фолксфаген ап“ со охридски регистарски ознаки, управуван од С.П.(24) од Охрид.
По овластување на јавен обвинител увид на местото изврши екипа на СВР Охрид, додека по целосно документирање на случајот против С.П. ќе биде поднесена соодветна пријава, соопшти полицијата.