Црна хроника
Два трупа пронајдени на одделни локации во Прилеп

Два трупа пронајдени се во четвртокот на одделни локации во Прилеп, од кои едниот припаѓа на 64-годишна жена, додека вториот припаѓа на непознато машко лице.
Вечерва во семејна куќа на улица „Александар Македонски“ (поточно наспроти фудбалскиот стадион) во Прилеп пронајден е мртов женски леш кој и припаѓа на 64-годишната прилепчанка М.Ј.
Според првичните неофицијални информации на порталот Шеталиште жената била почината пред 20 дена. На истата и се констатирани повреди во пределот на главата.
Телото е предадено на обдукција за утврдување на причините на смртта.
Вечерва е пронајден уште еден леш кај Сточниот пазар во Прилеп. Според првичните информации пронајденото тело било во распаѓање.
На прес-конференцијата од Итната медицинска помош од Прилеп која пред малку заврши беше соопштено дека машкиот труп бил пронајден во распаѓање, а 64 годишната жена е пронајдена мртва во својот дом, откако нејзиното семејство во неколку наврати се обидело да ја пронајде./крај/ мф/ап
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.