Црна хроника
Двајца повредени во две сообраќајки во Прилеп
Во две одделни сообраќајни незгоди во Прилеп и околината, двајца биле тешко повредени, односно еден има скршеници на ребрата, а девојче има скршена нога.
Имено, во неделата опколу 17.45 часот на патот Прилеп-Македонски Брод се случила сообраќајна незгода во која В.Т.(27) од Прилеп управувајќи возило „фиат браво“ со прилепски регистарски ознаки, изгубил контрола над возилото, излетал од патот и удрил во дрво. Во незгодата, сопатникот А.С.(29) од Прилеп се здобил со скршеници на ребра, кој е пренесен и задржан на лекување во болницата во Прилеп. Увид на лице место извршила екипа од полициската станица во Прилеп.Истиот ден, во 19 часот во Прилеп на крстосницата со улиците „Тризла“, „Београдска“ и „11-ти Октомври“, се случила сообраќајна незгода меѓу автомобил „голф“ со охридски регистарски ознаки, управувано од Ф.Ф.(41) од село Лабуништа, и мотоцикл „лингбен“ со скопски регистарски ознаки, управуван од Р.А.(22) од Прилеп. Во незгодата, 14-годишна сопатничка од мотоциклот се здобила со скршеница на лева нога и по укажаната лекарска помош во болницата во Прилеп е префрлена во Ургентниот центар Скопје за понатамошно лекување. Увид на лице место извршила екипа од полициската станица Прилеп./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повреден 19-годишен возач во сообраќајна несреќа кај Богданци
Деветнаесетгодишен возач е тешко повреден, а неговиот 20-годишен сопатник е полесно повреден во сообраќајна несреќа што се случила на регионалниот пат Богданци – Гевгелија, информира МВР.
Несреќата била пријавена на 29 ноември 2025 година околу 13:20 часот, кога патничко возило пежо 206 со велешки регистарски таблички, управувано од Ф.К. (19) од Гевгелија, излетало надвор од коловозот на местото викано „Л’гот“.
Во несреќата возачот се здобил со тешки телесни повреди, а неговиот сопатник И.Д. (20) од Гевгелија со телесни повреди. Двајцата биле прегледани во Општата болница во Гевгелија.
Увид на местото извршила екипа од ОВР Гевгелија, а се преземаат дополнителни мерки за целосно расчистување на случајот.
Црна хроника
Тројца приведени во Миравци, кај нив пронајдена марихуана и таблети
Тројца мажи се приведени во две одделни полициски акции спроведени во селото Миравци, гевгелиско, соопшти МВР.
Во првиот случај, на 29 ноември 2025 година околу 22:10 часот, полициски службеници од СВР Струмица – ОВР Гевгелија го лишиле од слобода Т.П. (32) од Миравци, кај кого при преглед била пронајдена марихуана.
Еден час подоцна, околу 23:20 часот, во истото село биле приведени С.Р. (27) и К.Т. (38), двајцата од село Пирава, валандовско. При контрола на патничко возило мерцедес со валандовски регистарски таблички, во кое биле затекнати, полицијата пронашла марихуана, таблети и шише со непозната течност.
За двата случаи е известен јавен обвинител од Основното јавно обвинителство Гевгелија. По целосно документирање на настаните, против лицата ќе бидат поднесени соодветни поднесоци, информираат од МВР.
Црна хроника
Акција на полицијата, се апсеа лица осомничени за трговија со дрога
На 28/29.11.2025 во Скопје, на различни локации, полициски службеници од СВР Скопје ги лишија од слобода Д.К.(29) од Р. Словенија, О.О.(30) од Р. Турција, М.И.(39), Р.Ш.(42) и К.К.(43) сите од Скопје, затоа што кај нив се пронајдени и одземени марихуана, бела грутчеста материја и четири шишиња со течност.
По целосно документирање на случаите ќе следуваат соодветни поднесоци.

