Црна хроника
Двајца загинати во сообраќајки во Скопје
Две лица загинаа во две одделни сообраќајки што се случиле во вторникот попладне во Скопје, соопшти МВР.
Првата сообраќајка се случила во 17.44 часот на локалниот пат од Долно кон Горно Лисиче, кога автомобил „југо“ со скопски регистерски таблици излетал од патот и удрил во дрво. Дваесет и двегодишниот возач на автомобилот бил пренесен во ГОБ „Св. Наум Охридски“, каде била констатирана смрт.Во другата сообраќајка настрадале двајца пешаци, а едниот починал на лице место.Сообраќајката се случила во вторникот пет минути по 19 часот во близина на главната капија на фабриката „Железара“. Автомобил марка „рено“ удрил во двајца пешаци на улицата „16 Македонска бригада“. Едниот пешак починал, а другиот со возило на Брза помош бил пренесен во Ургентниот центар во Скопје.Полицијата ги истражува причините за сообраќајките./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.