Црна хроника
Две сестри во Гостивар се затруле со јаглерод моноксид додека спиеле, едната починала

Две сестри се затруле со јаглерод моноксид додека спиеле во помошна просторија во куќа во гостиварското село Скудриње. Едната од сестрите починала на пат кон Здравствениот дом Гостивар, а другата девојка е префрлена на скопските клиники.
Во средата вечерта двете сестри на возраст од 21 и 22 години си легнале во помошната просторија од куќата која се затоплувала со печка на дрва. Следниот ден, односно во четвртокот сестрите не се разбудиле до пладне, па нивните родители се загрижиле дека нешто не е во ред со нив.
Таткото го скршил прозорецот од помошната просторија, влегол внатре заедно со својата сопруга и ги нашле двете ќерки во несвесна состојба.
Веднаш ги однеле во амбулантата во Скудриње, а од таму ги препратиле во здравствениот дом во Гостивар. Но, помалата сестра починала на пат кон Гостивар, додека другата била пренесена на Клиниката во Скопје.
Екипа од полициската станица Гостивар извршила увид на местото на несреќата и подигнала траги. Лекар од судската медицина извршил обдукција на телото на починатата девојка и констатирано е дека немало траги на насилство и телото е предадено на семејството.
Сестрите најверојатно се затруле од јаглерод моноксид, опасен гас кој се ослободил при согорувањето на дрвата. /крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Двајца мажи од Гевгелија пронајдени починати во своите домови

Вчера во 11:20 часот во ОВР Гевгелија било пријавено дека во домот во Гевгелија бил пронајден починат И.Г.(45) од Гевгелија.
Лекар од Итна медицинска помош констатирал смрт без видливи траги на насилство, а по наредба на јавен обвинител телото било дадено на обдукција.
Увид на местото извршила увидна екипа од ОВР Гевгелија.
Истиот ден во ОВР Гевгелија во 16:35 часот било пријавено дека во домот во Гевгелија бил пронајден починат М.Р.(45) од Гевгелија.
Лекар од Итна медицинска помош констатирал смрт без видливи траги на насилство, а по наредба на јавен обвинител телото било дадено на обдукција. Увид на местото извршила увидна екипа од ОВР Гевгелија.
Топ
Син ја убил мајка си во Штип

Утрово во 04.15 часот во Штип, полициски службеници од СВР Штип го лишиле од слобода С.З.(54) од Штип.
Тој се сомничи дека околу 02.00 часот во семејниот дом во Штип со остар предмет и нанел убодна рана на неговата 84-годишна мајка, по што таа починала.
Лекар од Итна медицинска помош констатирал смрт, а по наредба на јавен обвинител телото на починатата било дадено на обдукција.
Увид на лице место извршила екипа од СВР Штип под раководство на јавен обвинител од ОЈО Штип, при што остриот предмет бил пронајден и одземен за понатамошна постапка.
По целосно расчистување и документирање на случајот, ќе биде поднесена кривична пријава по итна постапка по член 123 став 2 точка 2 од Кривичниот законик, соопшти полицијата.
Црна хроника
Предизвикал пожар: уапсен охриѓанец

Вчера во 15:00 часот, полициски службеници од СВР Охрид го лишиле од слобода З.Н.(41) од Охрид, кој се сомничи дека во атар на селото Горно Лакочереј, охридско, предизвикал пожар на поле со нискостеблеста вегетација и ожнеана нива.
При преземени мерки и извршен преглед, полициските службеници кај него, пронашле запалка која била одземена за натамошна постапка.
По целосно документирање на настанот, против него ќе биде поднесена соодветна пријава, соопшти полицијата.