Црна хроника
Фатен крадец кој ги ограбувал таксистите во Скопје
Фатен дваесет и осумгодишен прилепчанец кој од март до декември годинава ограбувал таксисти во Скопје и украл вкупно 14.000 денари.
Крадецот во периодот од крајот на месец март до 17-ти овој месец сторил четири кривични дела „разбојништво“ во кои објект на напад му биле таксисти со кои се возел на релација населба Гази Баба – Бутел – Радишани, при што откако ќе бил донесен до посочената адреса, со закани по животот и сигурноста на таксистите, во два случаи со употреба на нож, во еден случај со употреба на огнено оружје и во еден случај со употреба на физичка сила во што му помогнале две засега непознати мажи, се стекнал со противправна имотна корист од околу 11.000 денари.Кривичното дело „тешка кражба на особено дрзок начин“ го извршил на 17-ти овој месец, исто така над таксист, кога побарал превоз од хотел лоциран на булеварот „Партизански одреди“ до казино на Бит пазар и кога стигнале на посочената локација пријавениот побарал од таксистот да му позајми 900 денари и да го причека пред казиното по што ќе продолжи со превозот. За кусо време се вратил и побарал да продолжат кон населба Автокоманда и побарал уште 2.100 денари, со ветување дека кога ќе го однесе на посочената адреса ќе му врати 50 евра.Кога стигнале на улицата „Ташко Караџа“, крадецот излегол од возилото и се упатил кон еден од влезовите на зградата, по што таксистот се посомневал дека ќе биде измамен и тргнал по него. Во моментот кога пријавениот го видел таксистот, почнал да му се заканува дека ќе извади нож и ќе го прободе, по што се дал во бегство, при што бил стигнат од таксистот, но бегалецот со удар со рака во пределот навратот го совладал.Пријавениот се сокрил во една од околните згради, а нападнатиот таксист телефонски го пријавил случајот во Центарот за информирање и команда на СВР Скопје, по што за кратко време пристигнале припадниците на полициската единица „Алфа“, кои го пронашле и го привеле крадецот./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.