Црна хроника
Фатени двајца арамии
– фото илустрација
Деветнаесет годишен скопјанец, како и едно малолетно лице заработија кривични пријави за кражби.
Деветнаесет годишен скопјанец, како и едно малолетно лице заработија кривични пријави за кражби.
СВР-Скопје поднесе кривична пријава против Ш.Г. (19) и едно малолетно лице на возраст од 16 години од Скопје поради основано сомнение дека Ш.Г. извршил пет кривични дела од кои едно кривично дело “одземање на моторно возило“ и четири кривични дела “тешки кражби“, а додека второтопријавено лице извршило три кривични дела “тешки кражби“. Од страна на Судија на претходна постапка на Ш.Г. одредена му е мерка притвор во траење од осум дена. Имено, првопријавениот Ш.Г. на 05-ти минатиот месец во точно неутврдено време на ул. “Скупи“ поточно во близина на болницата Бардовци, извршил одземање на ПМВ марка “Југо Темпо“, на тој начин што со употреба на погоден предмет (клуч или калауз) ја отворил заклучената врата од паркираното возило, влегол внатре, насилно ги откорнал жиците од контакт бравата и со нивно спојување го ставил возилото во погон при што неприметен од никого го напуштил местото на настанот. После поминати одреден број на километри, одземеното возило го паркирал во атарот на с.Злокуќани во непосредна близина на пешачкиот мост кај река Вардар и пред да го напушти возилото го одзел акумулаторот и една кутија со алати. Алатите ги продал на непознато лице, а акумулаторот го продал во отпад, додека добиените пари ги потрошил за свои потреби.Останатите три кривични дела тешки кражби ги извршил заедно со малолетното лице во периодот од 28.12.2015 година до 02.02. годинава во различен временски период на подрачјето на Карпош. Првите две кривични дела тешка кражба ги извршиле на идентичен начин во празни деловни простории на ул „Црвена Армија“, на тој начин што со употреба на сила ја отвориле влезната врата, влегле внатре и со употреба на погоден алат ја исекле доводната и одводната инсталација при што одзеле четири радијатори и по истиот пат од кај што влегле заедно со украдените предмети го напуштиле местото на настанот. Радијаторите со такси возило ги однеле во отпад каде што ги продале за сума од околу 2800 денари.На 02.02.2016 година околу 15,00 часот, Ш.Г и малолетното лице извршиле тешка кражба во куќа лоцирана на ул.„Скупи“, каде што ја прескокнале оградата, влегле во дворот по што се качиле на летната тераса од каде што одзеле едно плинско решо, и две плински боци по што го напуштиле местото на настанот. Наредниот ден украдените предмети ги однеле на пазарот за стари работи „Под Кале“ каде ги продале на непознати купувачи за сума од 3.000 денари, а добиените пари ги потрошле за свои лични потреби.Во ПС ОН Карпош билe извршени разговори со пријавениот Ш.Г. и малолетното лице во присуство на родител при што истите ги признале и појасниле начинот на извршувањето на кривичните дела. Дел од украдените предмети со потврда се одземени и вратени на оштетените.Инаку Ш.Г. е познат сторител на кривични дела од областа на имотните деликти, потоа кривични дела против половата слобода и половиот морал и кривични дела против општата сигурност на луѓето и имотот за што од страна на СВР Скопје во временскиот период од 2013 до 2015 година поднесени му биле 23 кривични пријави. Малолетното лице исто така е познат сторител на кривични дела од областа на имотните деликти и кривични дела против општата сигурност на луѓето и имотот за што од страна на СВР Скопје во текот на минатата година му биле поднесени 12 кривични пријави. /крај/со/ст
Извор: МВР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“ изгубил контрола и удрил во контејнери и во паркирано возило алфа Ромео. Осомничениот, 22-годишниот М.А.А. од Турција со привремен престој во Скопје, избегал од местото, јави Министерството за внатрешни работи.
Според пријавата, настанот се случил вчера во 22:50 часот. Полицијата го лоцирала возачот по кратка потера и го привела. При алкотест му биле измерени 0,97 промили алкохол во крвта, а по распитот бил изнесен пред судија за прекршоци.
Осомничениот се товари за 3 прекршоци, недозволена брзина, напуштање на лице место и возење под дејство на алкохол.
Црна хроника
Излизган камион го прекина сообраќајот на патот Струмица-Ново Село
Излизган камион на магистралниот пат Струмица-Ново Село-граничен премин со Бугарија, пред влезот во селото, предизвика прекин на сообраќајот од скоро еден час, од 14:10 до 15:00 часот.
Според информации од СВР Струмица, во сообраќајката нема повредени и загинати, а причинета е само материјална штета.
И од АМСМ информираа дека сообраќајот на магистралниот пат А4 Струмица – Ново Село кој беше во прекин поради случена сообраќајна незгода е нормализиран.
– Сообраќајот на државните патишта се одвива непречено, по влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, информира АМСМ.
Црна хроника
Со БМВ удрил во контејнери и автомобил, па побегнал
Вчера во 22:50 часот во СВР Скопје е пријавено дека на сервисна улица од ул.„Матеја Матевски“ во Скопје патничко возило БМВ со скопски регистарски ознаки, управувано од М.А.А.(22) од Р.Турција, а со привремен престој во Скопје, удрило во контејнери и патничко возило алфа ромео со демиркаписки регистарски ознаки. М.А.А. го напуштил местото на настанот, но по преземени мерки од полициски службеници, тој набрзо бил фатен.
По целосно документирање на случајот ќе следува соодветен поднесок.

