И мајката на убиената Мери Јошеска плачеше додека обвинителството во своите завршни зборови детално опишуваше како обвинетиот Миле Хаџиски ја убил нејзината ќерка, и мајката на Хаџиски липаше додека Хаџиски пред судот велеше дека е најголемиот грешник во светот и дека го убедувале дека го извршил убиството.

Мајката на Јошеска го проколна Хаџиски неговиот живот да заврши со 40 убоди, исто како што заврши животот на нејзината тогаш дваесет и едногодишна ќерка.

„Со толку убоди да го заврши неговиот живот каде и да е, во затвор или на слобода. Од божјите раце да не избега“, рече мајката на Јошеска, Јелица Јошеска.

И по дваесет и две години од грозоморното убиство емоциите не стивнуваат, а за грозморниот чин има сé уште дилеми и нејасностии.На денешното рочиште во Основниот суд 1, обвинителството, одбраната и обвинетиот Хаџиски ги кажаа завршните зборови, а за во понеделник во 14 часот е закажана пресуда за овој случај.Додека обвинителството ги излагаше своите завршни зборови, Хаџиски со затворени очи цело време нешто мрмореше. Тој не призна дека го извршил убиството, туку рече дека е 99 отсто сигурен дека не е извршител на монструозниот чин, туку дека го убедиле дека тој ја имал главната улога.„Мери повеќе не е меѓу нас, не можам да ви ја опишам мојата тага и болка и товарот со којшто сум живеел сиве овие години. Кога би можел би го заменил своето место со неа. Ги разбирам тешките зборови на нејзиното семејство упатени кон мене. Знам дека тие се убедени дека јас сум злосторникот, дека сум ги ограбил и дека сум отишол да пијам во кафеани, дека моето семејство го промениле законот во тоа време, само да ми се овозможи да се бранам од слобода. И нив ги убедиле луѓе кои сакале да сокријат друга позадина што стои зад ова. И нив ги убедиле истите луѓе кои ме пречекаа во 1993 година во полициска станица и ми рекоа ‘Ти ли си од Хаџиски?’,рече обвинетиот.„Ме присилија на различни начини да потпишам десетици документи со кои го напишаа црното сценарио, со кои ми ја дадоа главната улога и ме убедија дека јас сум го сторил убиството. Ме убедија да ја напуштам државата со заплашувања и со фотографии од весници од претепани затвореници“, тврди Хаџиски.Во 1995 година, според него, по неговото излегување од затвор случајно почнал бунт во затворот „Идризово“. Но него го убедиле дека бунтот се дигнал поради неговото ослободување и му покажувале фотографии од претепани затвореници, кои би го претепале доколку се врати во затвор.„Тогаш бев млад и наивен. Тие сакаа да ја напуштам државата, а со тоа автоматски како да сум ја признал вината. Кога дознав дека сум осуден во отсуство, не затоа што не сакав, не можев да се вратам поради договорот со Легијата на странци. Но тогаш бев и постар и поискусен и знаев дека никој нема да може да ја најде вистината, дека веќе сум жртвен јарец. Не ми е криво што сум во затвор затоа што во последниве три-четири месеци преку мајка ми и моите адвокати дознав многу работи, според кои, 99 отсто сум сигурен дека не сум извршител на монструозниот чин. Ако било така, немало да има такви присилби кон мене во тоа време, многу пропусти и фалсификати“, рече Хаџиски. Во завршните зборови тој повторно зборуваше за тоа дека во последниве две години ја почнал борбата против внатрешните страсти, за вербата во Господ. „Му благодарам на Господ што ќе дозволи да излезам од затворот кога ќе бидам подобар човек. Не барам ништо за мене, барам само Господ да ми ги прости гревовите, јас сум најголемиот грешник не само во оваа судница, туку во целиот свет“, рече Хаџиски.Мајката на Јошеска, која на минатото рочиште рече дека нема да бара отштета, се премисли, и на денешното рочиште најави дека и таа како и сестрата на Јошеска ќе бара отштета.Одбраната на Хаџиски побара ослободителна пресуда бидејќи обвинението не било докажано. Според адвокатот Стеван Павлески, не била утврдена точната фактичка состојба, при вршењето на увидот имало голем број пропусти, не било испитано што има во шишето кое стоело на масата кај што се случи убиството, а на кое пишувало дека е вотка. Не било испитано што има во чашите со вотка и филџаните со кафе, а не било испитано и дали кај убиената имало присуство на наркотици. Според него, не биле земени отпечатоци и од многу места од местото на убиството. Адвокатот Јован Митриновски пак рече дека имало многу нејасностии во невропсихијатриското вештачење, односно не било точно утврдено во која фаза Хаџиски бил пресметлив, а во која непресметлив. Според Митриновски, Хаџиски ја изгубил рационалноста, кога Јошеска го удрила по половиот орган.„За да го прекине конфликтот со убиената сакал да замине, но бил вратен од страна на убиената. Здобиениот удар во половиот орган, му го прекинало рационалното размислување, тој афект ја блокирал неговата свест и предизвикал непресметливост“, рече Митриновски.Според него, не била испитана и содржината на шприцот со иглата кој се наоѓал на местото на убиството. Од друга страна обвинителството, пак, побара најстрога казна за Хаџиски и во детали го опиша убиството на Јошеска.Според обвинението, Хаџиски почнал да ја дави за вратот толку силно што и ја скршил подјазичната коска, со пепелник ја удрил по главата, а потоа со два ножеви ја избодел во пределот на градите, стомакот и црниот дроб. Ја оставил да искрвави до смрт, украл златно синџирче и прстен. Ги избришал трагите од крв на ножевите, едниот бил негов, а другиот, кујнскиот нож, го вратил на место. Се преслекол со позајмена облека и заминал со другар во кафуле. Според обвинението се обидел дури и да го продаде накитот. За овој случај имаше две судења, на првото судење тој беше осуден на 15 години затвор, но поради пропусти во постапката судењето беше вратено на повторно судење, а Хаџиски по 90 дена минати во притвор беше ослободен. На повтореното судење, доаѓаше на неколку рочишта, но потоа избега од земјава.На тоа судење беше осуден на 20 години затвор, но исто толку години македонската полиција не можеше да го најде.Откако избега од земјава, се приклучил во Легија на странците во Франција, каде служел 15 години, под друго име Зоран Томовиќ. Хаџиски на минатото рочиште негираше дека бил дел од верска секта и со тоа ги негираше тврдењата во јавноста дека убиството било дел од обред на секта./крај/мф/ффс