Црна хроника
Истепани сопруги, нападнати брат и татко, четири случаи на семејни расправии со повреди
Тетовец од селото Пирок заедно со мајката и сестрата ја малтретирале сопругата, а полицијата поднесе уште три кривични пријави за семјни кавги што се случиле кон крајот на февруари и во март во струмичко.
Првиот случај за којшто е поднесена кривична пријава се случил на 27 февруари во селото Сушица, Ново Село. Дваесетгодишно моче од ова село се скарал со седуманесетгодишната сопруга и ја удирал по главата и телото нанесувајќи и телесни повреди во пределот на вратот и левото око. Девојката во текот на месец февруари неколку пати била малтретирана и бркана од домот, а против сопругот е поднесена пријава за телесна повреда.Струмичката полиција поднесе кривична пријава против шеесет и двегодишен жител на струмичкото село Секирник кој на втори овој месец пијан ја навредувал и пцуел неговата сопруга.Расправијата ја прекинал синот на неговиот брат, а полицијата утврдила дека пријавениот со години секојдневно ја малтретирал сопругата. Истиот го признал делото , но негирал дека и се заканувал по животот и телото. Против него е поднесена кривична пријава за загрозување на сигурноста.Третиот случај за којшто е поднесена кривична пријава се случил на 14 март во струмичкото село Свидовица. Триесет и деветгодишен жител на ова село, пијан без повод и причина започнал расправија со својот брат и таткото. Тој со секира почнал да ја крши покуќнината, а со сечивото замавнал и го удрил брата си во пределот на главата, нанесувајќи му расекотина во пределот на челото и носот. Против насилникот е поднесена кривична пријава за телесна повреда. Послениот случај е регистриран во средата кога, триесет и петгодишен жител од тетовското село Пирок заедно со своите мајка и сестра, физички ја малтретирал својата една година помлада сопруга. Семејното насилство во полиција го пријавил родителот на жртвата, вчеравечер, околу 23 часот.Тројцата физички ја нападнале жената, ја удирале по главата и по телото, ја влечеле за коса и ја навредувале. Kога таа тргнала пеш да замине кај родителите, сопругот ја стигнал, насилно ја внесол во возилото и заедно продолжиле да ја малтретираат.Во меѓувреме, пристигнал нејзиниот родител и ја однел во нивниот дом. Случајот веднаш е пријавен во Полициската станица во Камењане.Половина час по полноќ, тројцата инволвирани во пријавеното семејно насилство се лишени од слобода и се работи на целосно расчистување на случајот.Според Секторот за внатрешни работи Тетово, минатата година биле регистрирани 60 случаи на семејно насилство. Најчести жртви биле поранешни и невенчани сопруги.Како причини за семејно насилство, биле наведени финансиски тешкотии, психички растројства и меѓугенерациски недоразбирања./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Со возилото удрил во заштитна ограда а возел со 1,98 промили алкохол во крвта: уапсен кичевец
Вчера во 18:25 часот на магистралниот пат Охрид-Кичево, кај месноста „Копачка“, полициски службеници од ОВР Кичево го лишија од слобода О.М.(63) од Кичево.
Претходно, тој со патничко возило „пежо“ со кичевски регистарски ознаки, кое го управувал, излетал од патот и удрил во заштитна ограда, а при преземање мерки во врска со незгодата е констатирано дека е под дејство на алкохол, односно измерени му се 1,98 промили алкохол во крвта.
По целосно документирање на случаите против нив ќе бидат поднесени пријави по член 297-а од Кривичниот законик – „безобѕирно управување со моторно возило“, информира МВР.
Црна хроника
Кривична против поранешниот градоначалник на Демир Капија и за ексдиректорот на „Бошава“: ќе одговараат за загадување на животната средина и природата
ОВР Неготино, до Основното јавно обвинителство Кавадарци, поднесе кривична пријава против Л.П.(42) од Демир Капија, П.Ј.(50) од Неготино, против општина Демир Капија и јавно претпријатие за комунални работи „Бошава“ од Демир Капија поради постоење основи за сомнение дека сториле кривично дело „загадување на животната средина и природата“ по член 218 од Кривичниот законик.
Во периодот од јуни до октомври 2025 година, Л.П. во својство на поранешен градоначалник на општина Демир Капија и П.Ј., во својство на поранешен директор на јавното претпријатие за комунални работи „Бошава“, овозможиле инсталирање на несоодветна електрична и водоводна мрежа на претходно избушен бунар за вода за пиење во село Прждево, демиркаписко, без да поседуваат документација за техничка исправност на бунарот. Во наведениот период во повеќе наврати овозможиле дотур на водата до резервоарот за вода за пиење и со тоа ги занемариле законските обврски и дозволиле бунарот да биде слободно достапен на жителите на село Прждево, со што придонеле за настанување на состојба на контаминација на водата за пиење, која била закана по здравјето на околу 120 жители на селото.
Црна хроника
Тепачка на паркинг-простор во скопски Аеродром
Денеска околу 02:25 часот во СВР Скопје, Ј.Ј.(42) од Пробиштип пријави дека на паркинг простор на подрачјето на општина Аеродром во Скопје, по претходна расправија, бил физички нападнат од О.А.(37) од Скопје.
По целосно документирање на случајот, ќе следува соодветен поднесок, соопшти полицијата.

